(ប្រទេសវេលស៍)៖ យោងតាមគេហទំព័រ BBC បានឲ្យដឹងថា ខ្សែបម្រើ Enzo Fernandez របស់ក្លឹបបាល់ទាត់លីគអង់គ្លេស គឺតោខៀវ Chelsea ត្រូវបានហាមប្រាមមិនឲ្យបើកបររយៈពេល ៦ខែ បន្ទាប់ពីប្រព្រឹត្តិបទល្មើសច្បាប់បើកបរចំនួន ២ករណី នៅភាគខាងលិចប្រទេសវេលស៍។
គួរកត់សម្គាល់ថា តារាឆ្នើមសញ្ជាតិអាហ្សង់ទីន ដែលមានវ័យ ២៣ឆ្នាំ ត្រូវបានគេរកឃើញថា មានការល្មើសច្បាប់ពិរុទ្ធក្នុងនាមជាអ្នកបើកបររថយន្ត ដែលត្រូវបានចោទប្រកាន់ថា បានបើកបរឡានឆ្លងការសញ្ញាភ្លើងក្រហមនៅ Llanelli នៅក្នុងតំបន់ Carmarthenshire ប្រទេសវេលស៍ កាលពីខែវិច្ឆិកា ឆ្នាំ២០២៣ ។ នៅរយៈពេលមួយខែក្រោយមក ខ្សែបម្រើវ័យក្មេង Enzo បានធ្វើការល្មើសនឹងច្បាប់ស្រដៀងគ្នានេះ ពីបទចោទប្រកាន់ថា បានបើកបរលើសល្បឿនកំណត់នៅក្នុងទីក្រុង Swansea លើការបើកបររថយន្តម៉ាក Porsche ដែលមិនមានរបាយការណ៍ច្បាស់ពីព័ត៌មារបស់អ្នកបើកបរ។
បើតាមច្បាប់ Fernandez ត្រូវបង់ប្រាក់ពិន័យ និងថ្លៃចំណាយចំនួនជិត ៤០០០ដុល្លារ ពីការមិនបង្ហាញខ្លួននៅតុលាការ Llanelli Magistrates កាលពីថ្ងៃពុធ ដោយបានលេងឱ្យក្រុមជម្រើសជាតិអាហ្សង់ទីន ប៉ះកូឡុំប៊ី កាលពីថ្ងៃអង្គារ ដ្បិតបានលទ្ធផលចាញ់ ២-១ ក្នុងវគ្គជម្រុះ FIFA World Cup 2026 ស្ថិតតំបន់អាមេរិកខាងត្បូង។ Fernandez ក៏ទទួលពិន័យ ៦ចំណុចសម្រាប់បទល្មើលនីមួយៗ ពីចៅក្រមផងដែរ នៃការមិនផ្តល់ព័ត៌មានដែលបណ្តាលឱ្យមានការហាមឃាត់ ក៏ត្រូវបានបង្គាប់ឱ្យបង់ប្រាក់ពិន័យ ២០០០ផោន ហើយថ្លៃចំណាយ ២១០ផោន និងប្រាក់បន្ថែម ៨០០ផោន ត្រឹមថ្ងៃទី៩ ខែតុលា ខណៈរូបគេជាខ្សែបម្រើដែល Chelsea ទិញមកក្នុងតម្លៃកំណត់ត្រា ១០៧លានផោន៕
ប្រភព៖ BBC
