មិនមែនជាដំណឹងល្អនោះទេសម្រាប់ក្រុមកាំភ្លើងធំ Arsenal ខណៈសមាជិកថ្មីគឺខ្សែការពារ Riccardo Calafiori បានរងរបួសក្នុងការប្រកួតពានរង្វាន់ Nations League កំលុងពេលអ៊ីតាលីបានផ្តួលម្ចាស់ផ្ទះគឺមាន់គកទល់នឹងបារាំងកាលពីថ្ងៃសុក្រ។ទោះយ៉ាងណាកីឡាករវ័យ២២ឆ្នាំ ដែលអាចលេងបានតួនាទីការពារកណ្តាល និង ការពារស្លាបឆ្វេងរូបនេះ បានរងរបួសបញ្ហាកំភួនជើង និង ត្រូវបោះបង់ការប្រកួតកំលុងនាទីទី ៧១ សម្រាប់ការប្រកួតកាលពីថ្ងៃសៅរ័នៅកីឡដ្ឋាន Parc Des Princes រដ្ឋធានីប៉ារីស។
ទោះយ៉ាងណាដំបូងឡើយរបួសនេះត្រូវបានវាយតម្លៃថាមិនធ្ងន់ធ្ងរនោះទេក្រោមការយកចិត្តទុកដាក់ពីសំណាក់ក្រុមគ្រូពេទ្យ អ៊ីតាលីពី ខណៈ អ្នកចាត់ការ លោកLuciano Spalletti ផ្ទាល់បានបញ្ជាក់ថា៖ Riccardo ឆ្លងកាត់ការវាយតម្លៃពីក្រុមគ្រូពេទ្យរបស់យើង សង្ឃឹមថាគាត់និង ត្រលប់មកជួយក្រុមនៅ ការប្រកួតបន្ទាប់។ ផ្ទុយទៅវិញខ្សែការពារវ័យ២២ឆ្នាំរូបនេះបានខកខានហ្វឹកហាត់ ជាមួយក្រុមអ៊ីតាលីយោងការចុះផ្សាយរបស់គេហទំព័រ Sky sports។
មានន័យថា Calafiori នឹងត្រូវខកខានការប្រកួតពានរង្វាន់ Nations League នៅថ្ងៃចន្ទទល់និងអ៊ីស្រអែល ខណៈសាម៉ីខ្លួននិងវិលត្រលប់ទៅកាន់ទៅទីក្រុងឡុងដ៍វិញមុនពេលត្រូវវាយតម្លៃសាជាថ្មីដោយបុគ្គលិកពេទ្យរបស់ Arsenal ក្នុងរយៈពេលដ៏ខ្លីខាងមុខនេះ។ អតីតកីឡាករ Bologna បច្ចុប្បន្នបង្ហាញខ្លួនបាន២ ដងសម្រាប់ក្រុម Arsenal ក្នុងរដូវកាលនេះ ក្រោយចាកចេញពីក្លឹបនៅក្របខណ្ឌ SerieA មកកាន់ទឹកដី Emirates Stadium ក្នុងតម្លៃផ្ទេរកំនត់ត្រា៤២លានផោន នៅមិនទាន់ច្បាស់ថានិងអាចលេងទល់ក្រុមមានមូលដ្ឋាននៅទីក្រុងឡុងដ៏រួមគ្នាគឺ ម្ចាស់ផ្ទះTottenham នៅថ្ងៃអាទិត្យចុងសប្តាហ៏នេះ។
ប្រភព:Besoccer
វីដេអូ:
