(អង់គ្លេស)៖ ខ្សែការពារឆ្វេង Jamal Lewis របស់ក្លឹប Newcastle United បានចូលរួមជាមួយក្លឹបប្រេស៊ីល Sao Paulo លើលក្ខខណ្ឌខ្ចីជើង រហូតដល់ដាច់ខែមិថុនា ឆ្នាំ២០២៥ ជាមួយនឹងជម្រើសអាចទិញជាអចិន្ត្រៃយ៍ នេះបើតាមចុះផ្សាយពីសារព័ត៌មាន Reuters ។ ទន្ទឹមនឹងនេះ ដោយកើតនៅទីក្រុង Luton របស់អង់គ្លេស កីឡាករអន្តរជាតិអៀរឡង់ខាងជើង វ័យ ២៦ឆ្នាំ បានក្លាយជាកីឡាករអង់គ្លេសដំបូងគេ ដែលលេងឱ្យក្លឹប Sao Paulo។

គួរជម្រាបដែរថា Lewis ដែលទទួលការកោះហៅចំនួន ៣៦លើក លេងឱ្យក្រុមជម្រើសជាតិអៀរឡង់ខាងជើង បានផ្លាស់ទៅលេងនៅក្លឹប Newcastle ផ្ទេរមកពីក្លឹប Norwich City ដែលលេងនៅលីគលំដាប់ទី២ អង់គ្លេស English Championship កាលពីឆ្នាំ២០២០ និងបានបង្ហាញខ្លួនចំនួន ៣៦លើក សម្រាប់ក្រុមសារិកាព្រៃ Newcastle៕

ប្រភព៖ Reuters