(អ៊ីតាលី)៖ យោងតាមគេហទំព័រកីឡា BBC បានចុះផ្សាយឲ្យដឹងថា ក្លឹបលេងនៅលីគ Serie A គឺ Napoli បានចុះហត្ថលេខាលើខ្សែប្រយុទ្ធសញ្ជាតិបែលហ្ស៊ិក Romelu Lukaku ដែលផ្លាស់ពីសំណាក់ក្លឹប Chelsea ក្នុងតម្លៃចរចា ៣០លានផោន ។
រំលឹកដែរថា ខ្សែប្រយុទ្ធវ័យ ៣១ឆ្នាំ បានចូលរួមជាមួយ Chelsea កាលពីឆ្នាំ២០២១ ក្នុងតម្លៃ ៩៧.៥លានផោន ប៉ុន្តែបានចំណាយពេល ២រដូវកាល កន្លងមកក្នុងលក្ខខណ្ឌខ្ចីជើងនៅប្រទេសអ៊ីតាលី ដោយដំបូងត្រលប់មក Inter Milan និងបន្ទាប់មកទៀតមករួមរស់ជាមួយក្លឹប Roma ។ ថ្លែងនៅក្នុងសន្និសីទសារព័ត៌មានមុនការប្រកួត លោក Conte បាននិយាយថា Lukaku អាចនឹងបង្ហាញខ្លួនជាលើកដំបូងសម្រាប់ Napoli ក្នុងការប្រកួតថ្ងៃអាទិត្យទល់នឹងក្លឹប Parma ។
ទន្ទឹមនឹងនេះ កីឡាករបែលហ្ស៊ិកដែលមិនបានលេងឱ្យ Chelsea ចាប់តាំងពីខែឧសភាឆ្នាំ ២០២២ ទទួលបានប្រាក់ឈ្នួល ៣២៥,០០០ផោន ក្នុងមួយសប្តាហ៍។ ជាមួយគ្នានេះ Lukaku រកបាន ២៤គ្រាប់ ខណៈដែលគាត់បានឈ្នះ Serie A ក្រោមការដឹកនាំរបស់លោក Conte ក្នុងឆ្នាំ ២០២១ ៕
ប្រភព៖ BBC
បរទេសៈ ខ្សែបម្រើប្រយុទ្ធរបស់ក្រុម Liverpool គឺ Luis Diaz បានចេញមកឆ្លើយតបនឹងពាក្យចរចាមរាមដែលថា រូបគេអាចនឹងផ្ទេរទៅកាន់ក្រុម Barcelona ឬក៏លីកកំពូលអារ៉ាប់នៅទីផ្សារខាងមុខនេះ។ ក្នុងកិច្ចសម្ភាសន៍ជាមួយនឹង TNT Sports ក្នុងប្រទេសមីសុីក Diaz បាននិយាយថា គាត់រីករាយជាមួយនឹងជីវិតនៅទឹកដី Anfield និងបន្តបេជ្ញារក្សាកេរ្តិ៍តំណែលជាច្រើនទៀតនៅ Liverpool។អត្ថបទកំពុងចាប់អារម្មណ៍៖ តា Pep ថា៖«ជំនួបប៉ះ Aston Villa ប្រៀបដូចជាវគ្គផ្តាច់ព្រ័ត្រអ៊ីចឹង» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជារូបគេហាក់រៀងធ្លាក់ទម្រង់លេងកាលពីដើមរដូវកាលបន្តិចមែន ប៉ុន្តែប៉ុន្មានប្រកួតចុងក្រោយនេះរូបគេបានបង្ហាញសមត្ថភាពបានយ៉ាងល្អ និងតែងតែចំណែកមួយក្នុងការរកគ្រាប់បាល់សម្រាប់ក្រុមជានិច្ច។ បច្ចុប្បន្នកិច្ចសន្យារបស់គេនៅសល់ត្រឹមតែ២ឆ្នាំទៀតប៉ុណ្ណោះ ខណៈបច្ចុប្បន្នមិនទាន់មានការចរចារលើការបន្តកុងត្រាថ្មីនៅឡើយ ជាពិសេសមានការចាប់អារម្មណ៍ជាច្រើនពីក្លឹបដទៃទៀត។ Diaz ធ្លាប់បានបង្ហាញចំណាប់អារម្មណ៍ក្នុងក្លឹប Barcelona ផងដែល ខណៈបច្ចុប្បន្នរូបគេកំពុងផ្តោតលើការជួយឲ្យក្រុម Liverpool ឈ្នះពានរង្វាន់ Premier League សារជាថ្មី៕
