ក្រុមបិសាចក្រហម Man. United នឹងមិនចុះហត្ថលេខានាំយកកីឡាករ Ben Chilwell របស់ក្រុមតោខៀវ Chelsea មុនពេលទីផ្សារដោះដូរកីឡាករនិងបិទនៅថ្ងៃទី៣១សីហា ២០២៤ខាងមុខនេះទេដោយសារក្លឹបទាំងពីរមិនមានចំនុចឈានដល់កិច្ចព្រមព្រៀងផ្ទេរយកកីឡាករអន្តរជាតិអង់គ្លេសនេះបាន ។គួររំលឹកថាតំបន់ការពារស្លាបឆ្វេងរបស់ក្រុមត្រូវបានកីឡាករ Diogo Dalot ដែលជាខ្សែការពារស្លាបស្តាំបានផ្លាស់មកលេងនៅតួនាទីមួយនេះនៅដើមរដូវកាល បន្ទាប់ពី Luke Shaw និង Tyrell Malasia អវត្តមានដោយសាររបួស ខណៈកីឡាករចំណូលថ្មី Noussair Mazraoui លេងតួនាទីការពារស្តាំ។សម្រាប់Chiwell ត្រូវបានអ្នកចាត់ការថ្មីលោក Enzo Maresca បញ្ជាក់ប្រាប់ ទាំង Sterling និង Chilwell អោយស្វែងរកក្លឹបថ្មី ក្រោយពីគ្រូបង្វឹកសញ្ជាតិអ៊ីតាលីមិនចាត់បញ្ចូលសាម៉ីខ្លួនក្នុងបញ្ជីប្រើប្រាស់នៅរដូវកាលថ្មីនេះ ខណៈកីឡាករអន្តរជាតិអេស្បាញ Marc Cucurella និងក្លាយជាជម្រើសដំបូងជំនួសតំណែង Chilwellនោះ។
ផ្ទុយទៅវិញ ប្រសិនជា កីឡាករវ័យ ២៧ឆ្នាំ(Chilwell)រូបនេះមិនអាចស្វែងរកក្លឹបថ្មីបាន គឺតម្រូវអោយរូបគេត្រូវអង្គុយជាកីឡាករបម្រុងរហូតដល់ខែមករា ២០២៥ តែម្តង ។
បច្ចុប្បន្នក្រៅពីកីឡាករChelseaរូបនេះ ក្រុមតោខៀវ និង បិសាចក្រហម Man United បច្ចុប្បន្នកំពុងពិភាក្សាគ្នាលើការពារកីឡាករអន្តរជាតិអង់គ្លេស២រូបគឺ Raheem Sterling និង Jadon Sancho បើទោះបីជាក្លឹបទាំងពីរបន្តជម្រុញការពិភាក្សាចរចារ ខណៈក្លឹប Juventus ក៏ស្ថិតក្នុងការប្រកួតប្រជែងនាំយក Sancho ចេញពីទឹកដី Old Trafford ដូចគ្នា។
សម្រាប់Chelsea ក៏បង្កើនការចរចារនាំយកខ្សែប្រយុទ្ធ Ivan Toney មករួមក្រុមប្រសិនពួកគេអាចលក់ Stergling មកកាន់បិសាចក្រហម ខណៈ Man.Utd ក៏បង្កើនការចរចារមួយផ្សេងទៀតលើកីឡាករ Manuel Ugarte របស់ PSG មកកាន់ក្របខណ្ឌ EPL ផងដែរ។
ប្រភព:Sportsmole
វីដេអូ:Ben Chilwell vs Marc Cucurella
វីដេអូ: Raheem Sterling
ក្រុមកាំភ្លើងធំ Arsenal បានកំណត់គោលដៅលើខ្សែបម្រើ Christian Norgaard កីឡាករអន្តរជាតិដាណឺម៉ាកវ័យរបស់ក្លឹប Brentford វ័យ៣១ឆ្នាំ បើទោះបីជាពួកគេខិតជិតកិច្ចព្រមព្រៀងផ្ទេរយក Martin Zubimendi សញ្ជាតិអេស្បាញ ពីក្រុម Real Sociedad ក៍ដោយ។ប្រភពពីគេហទំព័រ ESPN បានចុះផ្សាយ កាលពីដើមសប្តាហ៍នេះថាពេលវេលារបស់ខ្សែបម្រើ Thomas Partey នៅកីឡដ្ឋាន Emirates ហាក់ដូចជាជិតដល់ទីបញ្ចប់ស្របពេលខ្សែបម្រើសញ្ជាតិហ្គាណារំពឹងថានឹងចាកចេញពីក្លឹបភាគខាងជើងទីក្រុងឡុងដ៍នៅចុងខែនេះ ក្រោយជាប់គាំងលើការបន្តកិច្ចសន្យាថ្មី។ជាមួយនឹងការចាកចេញរបស់ Partey និង Jorginho ក្រុម Arsenal ចង់ពង្រឹងខ្សែបម្រើរបស់ពួកគេ ហើយបានកំណត់ថា Norgaard ជាគោលដៅអាទិភាព ។អត្ថបទកំពុងចាប់អារម្មណ៍៖ ប្រយ័ត្នត្រីរ៉ស់ក៍រួចទន្សាយក៍រួច ! Arsenal សម្លឹងឃើញកីឡាករ ២ រូបមកជំនួស Thomas Partey(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស កីឡាករអន្តរជាតិដាណឺម៉ាកដែលបានចុះកុងត្រាថ្មីជាមួយ Brentford កាលពីខែមីនា នៅមានកិច្ចសន្យារយៈពេល 2 ឆ្នាំទៀតដែលមានន័យថាក្លឹបទំនងជាទាមទារថ្លៃដើមច្រើនខណៈក្រុមលោក […]
