(អាល្លឺម៉ង់)៖ ខ្សែការពាររបស់ក្លឹបយក្ស Bayern Munich គឺកីឡាករ Josip Stanisic ដែលបានវិលត្រឡប់មកវិញ បន្ទាប់ពីការលេងខ្ចីកាលពីរដូវកាលមុន នៅក្លឹប Bayer Leverkusen នោះ នឹងត្រូវអវត្តមានច្រើនខែ ក្រោយជួបបញ្ហារហែកសរសៃចងជង្គង់ខាងស្តាំរបស់គេ នេះបើយោងតាមសារព័ត៌មាន CNA បានចេញផ្សាយ។

កីឡាករជម្រើសជាតិក្រូអាត ដែលមានវ័យ ២៤ឆ្នាំ បានរងរបួសអំឡុងពេលហ្វឹកហាត់កាលពីថ្ងៃចន្ទ។ គួរជម្រាបដែរថា រដូវកាលថ្មីលីគ Bundesliga នឹងចាប់ផ្តើមនៅចុងសប្តាហ៍នេះ ខណៈ Bayern នឹងធ្វើដំណើរទៅជួបក្លិប Vfl Wollfsburg នៅរាត្រីថ្ងៃអាទិត្យ៕

ប្រភព៖ CNA