អ្នកចាត់ការទូទៅក្រុមមេឃខៀវ Man. City លោក Pep Guardiola បានព្រមានកូនក្រុមរបស់ខ្លួនធ្ងន់ៗមុនជំនួបជាមួយក្រុមតោខៀវ Chelsea នៅរាត្រីថ្ងៃអាទិត្យនេះថា ក្រុមយើងនឹងមិនឈ្នះពាន Premier League ឬបញ្ចប់ក្នុងចំណាត់ថ្នាក់កំពូលទាំងបួនបាននោះទេ ប្រសិនបើពួកគេមិនមានការជម្រុញ រឺ ក៏ទទួលបានទទួលការលើកទឹកចិត្តក្នុងរដូវកាលនេះឡើយ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួររំលឹកថា សម្រាប់ Man. City ក្រោមការដឹកនាំរបស់លោក Pep Guardiola បានឈ្នះពានបួនចុងក្រោយក្នុងក្របខ័ណ្ឌកំពូលរបស់អង់គ្លេសក្នុងរយៈពេល ៥ឆ្នាំចុងក្រោយនេះ។ ទោះយ៉ាងណាអ្នកចាត់ការសញ្ជាតិអេស្បាញបុរសរបស់លោក Guardiola កំពុងស្វែងរកការលើកពានទីប្រាំពីររបស់ពួកគេក្នុងរយៈពេលប្រាំបីឆ្នាំគិតចាប់តាំងពីឆ្នាំ ២០១៧មកគឺពួកគេរបូតពានតែមួយលើកប៉ុណ្ណោះទៅកាន់ក្រុមក្រុម Liverpool នៅរដូវកាល ២០១៩-២០២០ ជំនាន់ជំងឺកូវីតឆ្លងរាលដាលខ្លាំងបំផុតទូទាំងសកលលោក។

អ្នកចាត់ការវ័យ ៥៣ឆ្នាំបានបញ្ជាក់បន្ថែមយ៉ាងដូច្នេះថាៈ ការងាររបស់យើងគឺធ្វើឱ្យប្រាកដថាយើងធ្វើរឿងត្រឹមត្រូវ ពីព្រោះនៅពេលដែលអ្នកធ្វើដោយភាពប្រាកដប្រជា អ្នកនិងឈ្នះ ហើយអ្នករស់នៅកាន់តែប្រសើរ។ផ្ទុយទៅវិញ ប្រសិនបើអ្នកជឿថាអ្នកបានធ្វើហើយតែធ្វើមិនអស់ពីចិត្ត អ្នកនឹងមិនឈ្នះទេ អ្នកនឹងមិនជាប់សូម្បីនៅចំណាត់ថ្នាក់កំពូលទាំងបួន។ ការពិតនោះតែងតែជាគោលដៅចាប់តាំងពីនៅដើមរដូវកាលមកម្លេះ។