(អង់គ្លេស)៖ យោងតាមប្រភពសារព័ត៌មាន CNA បានឲ្យដឹងថា កីឡាករអន្តរជាតិប្រេស៊ីល Willian បានសម្រេចចាកចេញពីក្លឹប Fulham បន្ទាប់ពីចំណាយរយៈពេល ២ឆ្នាំ លេងនៅក្លឹបក្នុងលីគកំពូលអង់គ្លេស Premier League ។ អតីតកីឡាករលេងនៅក្លឹប Arsenal និង Chelsea បានចុះហត្ថលេខា បន្តកិច្ចសន្យារយៈពេល ១ឆ្នាំ នៅក្លឹប Fulham កាលពីឆ្នាំមុន ដែលឥឡូវនេះបានផុតកំណត់ហើយ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យោងតាមសេចក្តីរាយការណ៍ របស់ប្រព័ន្ធផ្សព្វផ្សាយអង់គ្លេស បានឱ្យដឹងថា កីឡាកររូបនេះមានព័ត៌មានផ្ទេរទៅលេងនៅអារ៉ាប៊ីសាអូឌីត។ Willian ដែលលេងជាខ្សែបម្រើស្លាបឆ្វេង ឬក៏ខ្សែបម្រើប្រយុទ្ធនោះ បានបង្ហាញខ្លួន ៥៨លើក នៅ Premier League អំឡុងពេលលេងនៅក្លឹប Fulham ដោយរកបាន ៩គ្រាប់។

សូមជម្រាបថា Fulham ចាប់ផ្ដើមយុទ្ធនាការ  Premier League របស់ពួកគេ ដោយបានប្រកួតចាញ់ម្ចាស់ផ្ទះ Manchester United ១-០ នាយប់មិញនេះ៕

ប្រភព៖ BBC