(អង់គ្លេស)៖ យោងតាមសារព័ត៌មាន BBC បានចុះផ្សាយនាថ្ងៃសុក្រនេះថា ក្លឹបមេឃខៀវ Manchester City កំពុងតែស្ថិតក្នុងការពិភាក្សាកម្រិតខ្ពស់ ដើម្បីចុះហត្ថលេខាលើអតីតខ្សែប្រយុទ្ធក្រុម West Ham United គឺកីឡាករ Divin Mubama ខណៈដែលកីឡាករវ័យត្រឹម ១៩ឆ្នាំ ទើបតែផុតកុងត្រាជាមួយ West Ham កាលពីខែមិថុនា កន្លងទៅនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរជម្រាបដែរថា Man City បានយល់ព្រមលើតម្លៃខ្លួនប្រហែល ១.៥លានផោន ជាមួយ West Ham ដែលជាតម្លៃសំណងសម្រាប់ខ្សែប្រយុទ្ធដែលផុតកុងត្រារូបនេះ។ ទន្ទឹមនឹងនេះ ការផ្លាស់ប្តូររបស់គេក៏នៅតែស្ថិតក្រោមការត្រួតពិនិត្យសុខភាព ហើយរូបគេនឹងចាប់ផ្តើមជីវិតថ្មីនៅកីឡដ្ឋាន Etihad Stadium ។

គួររំលឹកដែរថា Mubama ដែលរួមរស់ជាមួយ West Ham តាំងពីអាយុ ១០ឆ្នាំ ដោយបានបង្ហាញខ្លួន ១៨ដង ក្នុងក្រុមដំបូង និងស៊ុតបញ្ចូលទីបានមួយគ្រាប់ផងដែរ៕

ប្រភព៖ BBC & Daily Mail