អ្នកចាត់ការទូទៅក្រុមអ្នកមានបុណ្យ Barcelona លោក Hansi Flick បានទូរស័ព្ទទៅកាន់អតីតកូនក្រុមកីឡាករ Ivan Perisic ដើម្បីស្នើសុំរូបគេអោយផ្លាស់មកកាន់ក្លឹបអ្នកមានបុណ្យ Barcelona នៅរដូវក្តៅនេះ ។Perisic អតីតកីឡាករDortmund,Wolfburg, Inter Milan , Bayern Munich អាចលេងបាន​ទាំង​ស្លាប​ឆ្វេង និង​ស្លាប​ស្តាំ ខណៈ រដូវកាល ២០២២/២៣ គាត់បានបង្កើតការ Assist ដល់ទៅ ១១ដងក្នុងរដូវកាលអោយមិត្តរួមក្រុម Tottenham Hotspur ខណៈកីឡាករដែលអាចប្រើប្រាស់ជើងឆ្វេងនិងស្តាំបានយ៉ាងស្ទាត់ជំនាញរូបនេះត្រូវបានគេមើលឃើញថាជាកីឡាករពូកែចែក និង បោះបាល់ ព្រមទាំងមានជំនាញស៊ុតបាល់ Free Kick  និងទាត់បាល់ជ្រុង(Corner)ផងដែរ។កំលុងលេងក្រោមការដឹកនាំរបស់គ្រូបង្វឹកអាឡឺម៉ង់លោក Hansi Flick នៅ Bayern Munich ពីឆ្នាំ ២០១៩ ដល់ ២០២០ Perisic ស៊ុតបញ្ចូលទីបាន ១៤គ្រាប់ ដែលជាចំណែកមួយដ៏សំខាន់ជួយអោយពួកគេលើកពាន Bundesliga និងChampions League ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរំលឹកថាខ្សែបម្រើក្រុមជម្រើសជាតិក្រូអាតបច្ចុប្បន្នមានវ័យ ៣៥ឆ្នាំ Perisic មិនបានប្រកបអាជីពដោយសុខស្រួលជាមួយក្លឹបនៅស្រុកកំណើតដែលរូបគេកំពុងជាអចិន្រ្តៃយ៏ ក្រោយចំណាយពេល១រដូវកាលលេងខ្ចីជើងគឺ Hajduk Split នោះទេ។ ក៏ព្រោះតែអតីតកីឡាករ Tottenham រូបគេមានជម្លោះជាមួយគ្រូបង្វឹកបច្ចុប្បន្នរបស់ក្រុមរបស់គាត់គឺអ្នកចាត់ការសញ្ជាតិអ៊ីតាលីលោក Gennaro Gattuso ខណៈកំលុងពេលថ្មីៗនេះ រូបគេបានស្នើសុំចាកចេញពីក្លឹប។

ប្រភព: Tribuna

វីដេអូ: Perisic លេងនៅ Tottenham

​វីដេអូ: Perisic លេងខ្ចីជើង១រដូវកាលនៅ Bayern Munich ២០១៩-២០២០