(អង់គ្លេស)៖ យោងតាមគេហទំព័រកីឡា BBC បានឲ្យដឹងថា ខ្សែបម្រើប្រយុទ្ធ Cole Palmer បានចុះហត្ថលេខាកុងត្រាថ្មីជាមួយក្លឹបតោខៀវ Chelsea ដែលមានសុពលភាពរហូតដល់ឆ្នាំ ២០៣៣ ។ ដូច្នេះមានន័យថា កីឡាករវ័យ ២២ឆ្នាំ គឺមានកិច្ចសន្យារយៈពេល ៩ឆ្នាំ​ នៅកីឡដ្ឋាន Stamford Bridge។

គួរកត់សម្គាល់ថា Palmer រកបាន ២៥គ្រាប់ និង Assist ១៥ដង ក្នុងការបង្ហាញខ្លួន ៤៥លើក ក្នុងរដូវកាលដំបូងនៅ Chelsea បន្ទាប់ពីផ្ទេរពីសំណាក់ក្លឹបមេឃខៀវ Manchester City ក្នុងតម្លៃ ៤២.៥លានផោន កាលពីឆ្នាំមុន។ ដោយឡែក Palmer ស្ថិតក្នុងបញ្ជីប្រជែងពានរង្វាន់ PFA Player និង Young Player of the Year ដែលនឹងប្រកាសនៅ Salford នៅសប្តាហ៍ក្រោយ ហើយរូបគេក៏បានឈ្នះពានរង្វាន់ Premier League Young Player of the Season សម្រាប់រដូវកាលឆ្នាំ ២០២៣/២៤ ផងដែរ៕

ប្រភព៖ BBC