វីរបុរសរបស់ក្លឹបបិសាចក្រហហម Manchester United គឺលោក Paul Scholes បានបង្ហើបថា មានតែក្រុម Arsenal មួយប៉ុណ្ណោះដែលជាក្រុមមានភាគរយក្នុងការប្រកួតប្រជែងជាមួយនឹងក្រុម Manchester City ក្នុងការក្រងជើងឯក Premier League ខណៈកាលពីរដូវកាលមុនក្រុមទាំង២មានភាពប្រកៀកប្រកិតគ្នាជាខ្លាំងក្នុងការប្រជែងតំណែងជើងឯក។

លោក Scholes បាននិយាយក្នុងកម្មវិធីមួយថា ៖ “ខ្ញុំគិតថាជើងឯក Premier League រដូវកាលនេះគឺស្រដៀងនឹងរដូវកាលមុន។ ដោយខ្ញុំគិតថា City នៅតែជាក្រុមដែលមានភាគរយខ្ពស់ ខណៈតាមពីក្រោយដោយ Arsenal ។ ខ្ញុំបាននិយាយជាច្រើនលើកមកហើយថា Arsenal អាចជាក្រុមដែលឈ្នះពានលីករដូវកាលនេះ ដោយពួកគេបានអភិវឌ្ឃន៍ខ្លួនជាខ្លាំងក្នុងប៉ុន្មានរដូវកាលចុងក្រោយក្រោមការដឹកនាំរបស់លោក Mikel Arteta ”  ៕