(អង់គ្លេស)៖ យោងតាមប្រភពសារព័ត៌មាន Football Insider បានចុះផ្សាយថា ក្រុមកាំភ្លើងធំ Arsenal កំពុងរៀបចំផែនការចែចូវនាំយកខ្សែបម្រើស្លាប Kingsley Coman របស់ក្លឹបយក្សអាល្លឺម៉ង់ Bayern Munich ក្នុងលក្ខខណ្ឌខ្ចីជើង ១រដូវកាល ក្រោយនេះតែម្តង។

អ្នកសារព័ត៌មានជាន់ខ្ពស់លោក Pete O’Rourke បានថ្លែងប្រាប់ Football Insider’s Inside Track podcast យ៉ាងដូច្នេះថា Bayern នឹងអនុញ្ញាតឱ្យគាត់[Coman]ចាកចេញនៅរដូវក្តៅនេះ ប៉ុន្តែនឹងតម្រូវឱ្យមានជម្រើស ក្នុងការទិញត្រលប់មកវិញនៅក្នុងកិច្ចព្រមព្រៀង។ ជាមួយគ្នានេះ ខ្សែបម្រើវ័យ ២៨ឆ្នាំ មានទំនោរចង់ទៅចូលរួមជាមួយ Arsenal ផងដែរ គ្រាន់តែត្រូវរង់ចាំពេលវេលាដែលសាកសមប៉ុណ្ណេាះ៕

ប្រភព៖ The Football Insider