(អេស៉្បាញ)៖ យោងតាមអ្នកសារព័ត៌មាន BBC បានចុះផ្សាយឲ្យដឹងថា ខ្សែបម្រើឆ្នើម Conor Gallagher របស់ក្លឹបតោខៀវ Chelsea បានទទួលយកសំណើរទឹកប្រាក់ ៣៣លានផោន ដោយផ្លាស់ទៅក្លឹបយក្សនៅអេស្ប៉ាញ Atletico Madrid កាលពីសប្តាហ៍មុន ដែលនេះជាការបញ្ចប់ការរួមរស់អស់រយៈពេល ១៨ឆ្នាំ ជាមួយក្លឹបតោខៀវ។

រំលឹកផងថា ខ្សែបម្រើមានវ័យ ២៤ឆ្នាំសញ្ជាតិអង់គ្លេស Conor Gallagher ធ្លាប់បានលេងជាមួយ Chelsea ក្នុងឈុតធំបានចំនួន ៣រដូវកាលរកបាន ១០គ្រាប់ ពីការលេង ៩៥ប្រកួត និងបានចេញទៅលេងក្នុងលក្ខខណ្ឌខ្ចីជើងនៅក្លឹប Charlton Athletic, Swansea City, West Bromwich Albion និង Crystal Palace រកបាន ៨គ្រាប់ ក្នុងលីគកំពូលអង់គ្លេស រដូវកាល២០២១-២២ ។

កិច្ចព្រមព្រៀងនេះបានកើតឡើងក្រោយពីក្លឹប Chelsea ធ្លាប់បានដាក់សំណើកិច្ចសន្យារយៈពេល ២ឆ្នាំ បន្ថែមនិងជម្រើសបន្ថែមមួយឆ្នាំទៀតជាមួយ Conor Gallagher ដ្បិតមិនត្រូវបានមានការពេញចិត្តពីសំណាក់កីឡាករនោះទេ ហើយក្លិបក៏សម្រេចព្រមព្រៀងជាមួយក្លិបក្រៅស្រុក ជាជាងការលក់កីឡាករូបនេះទៅកាន់ក្លិបគូប្រជែងក្នុងលីគ ៕

ប្រភព៖ BBC