(អង់គ្លេស)៖ ក្លឹបមេឃខៀវ Manchester City ត្រូវពិន័យជាទឹកប្រាក់ចំនួន ២.០៩លានផោន សម្រាប់ការចេញយឺតយ៉ាវម្តងហើយម្តងទៀតទាំងការចាប់ផ្តើមនៃការប្រកួតតង់ទី១ និងចូលដល់តង់ទី២ ជាច្រើនដង។ ទន្ទឹមនឹងនេះ ក្លឹប​បាន​ទទួល​ស្គាល់​ថា​ពួកគេ​បាន​បំពាន​ច្បាប់ Premier League រហូតដល់ទៅ ២២​ដង​ នេះបើតាមសារព័ត៌មាន BBC ចុះផ្សាយនាថ្ងៃនេះ។

គួរបញ្ជាក់ផងដែរថា ក្របខណ្ឌ Premier League បានអះអាងថា Man City ក្លឹបបានសុំទោសចំពោះការបំពានច្បាប់នេះ។ រំលឹកដែរថា Man City ធ្លាប់បានពន្យារពេលចាប់ផ្តើមចំនួន ៨លើក កាលពីរដូវកាល ២០២២/២៣ ហើយត្រូវបានពិន័យជាប្រាក់ ៣៩០,០០០ផោន ផងដែរ៕

ប្រភព៖ BBC