(អង់គ្លេស)៖ ក្លឹបតោខៀវ Chelsea បានទទួលយកការដេញថ្លៃពីក្លឹបយក្សអេស៉្បាញ Atletico Madrid សម្រាប់ខ្សែបម្រើឆ្នើម Conor Gallagher បន្ទាប់ពីគាត់បានច្រានចោលការបន្តកិច្ចសន្យាថ្មីជាមួយតោខៀវកាលពីខែមិថុនាកន្លងទៅ នេះបើតាមសារព័ត៌មាន BBC ចេញផ្សាយនាថ្ងៃព្រហស្បតិ៍នេះ។

គួរជម្រាបដែរថា កីឡាករអន្តរជាតិអង់គ្លេស ដែលមានអាយុ ២៤ឆ្នាំ បច្ចុប្បន្ននេះអាចចរចារលក្ខខណ្ឌផ្ទាល់ខ្លួន បន្ទាប់ពីការដេញថ្លៃប្រហែល ៣៣លានផោន ត្រូវបានយល់ព្រម។ មិនតែប៉ុណ្ណេាះ Gallagher នឹងក្លាយជាភ្នាក់ងារឥតគិតថ្លៃនៅរដូវកាលក្រោយនេះផងដែរ ខណៈដែលរូបគាត់ធ្លាប់មានការចាប់អារម្មណ៍ពីសំណាក់ក្លឹប Tottenham, West Ham និង Everton ៕

ប្រភព៖ BBC