![Featured-Image](https://cambosport.net/wp-content/uploads/2024/07/Willams-1024x538.png)
ក្រោយបញ្ចេញសមត្ថភាពសាងកេរ្ត៍ឈ្មោះដ៏ល្បីល្បាញកំពូលខ្សែបម្រើ-ប្រយុទ្ធស្លាបNico Williams មិនទាន់សម្រេចចិត្តថាគាត់នឹងផ្លាស់ទៅកាន់ក្លឹបណាមួយនៅឡើយនោះទេខណៈកំលុងមុនពេលបង្ហាញខ្លួន និង ក្រោយពេលបង្ហាញខ្លួនលេងអោយក្រុមជម្រើសជាតិអេស្បាញនៅព្រឹត្តការណ៏ Euro ២០២៤ គឺក្រុមអ្នកមានបុណ្យ Barcelona គឺជាក្លឹបដែលបានបង្ហាញការចាប់អារម្មណ៏និងមានពត៌មានពីការទំនាក់ទំនងចង់បានយករូបគេមករួមក្រុម។ ប៉ុន្តែកាលពីពេលថ្មីៗនេះ ប្រភពពី Catalunya Radio បានចុះផ្សាយថា ក្លឹបអ្នកមានបារាំង PSG នឹងហ៊ានផ្តល់ប្រាក់តម្លៃខ្លួនទ្វេដងលើក្រុមក្រុមអេស្ប៉ាញ Barcelona ដើម្បីនាំយកកីឡាករ At.Bilbao មិនអោយផ្លាស់ទៅកាន់ទឹកដី Camp Nou បាន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សក្រុម PSG ក្រោមការដឹកនាំរបស់លោក Luis Enrique ពិតជាចង់បោះជំហ៊ានសាជាថ្មីដើម្បីស្ថាបនា និង ពង្រឹងក្រុមឡើងវិញ ក្រោយការចាកចេញរបស់ Kilyan Mbappe ទៅកាន់ក្លឹបអធិរាជស Real Madrid ដោយគ្មានតម្លៃខ្លួន ប៉ុន្តែទទួលបានប្រាក់ឈ្នួលរហូតដល់ទៅ១៥លានយូរ៉ូក្នុង១រដូវកាលជាមួយកិច្ចសន្យារយៈពេល៥ឆ្នាំ។ដូច្នេះបេក្ខភាពរបស់ Nico Williams គឺជាអ្វីគ្រប់យ៉ាងដែលក្លឹបជើងឯក Ligue ១ ចង់បាន ប៉ុន្តែពួកគេដឹងថាការបញ្ចុះបញ្ចូលកីឡាករមានវ័យទើបតែ២២ឆ្នាំ ជាមួយការផ្តល់នូវផលប្រយោជន៏ច្រើនសន្ធឺកសន្ធាប់ក៏នឹងមិនមែនជារឿងងាយស្រួលនោះទេ។
សម្រាប់លោក Joan Laporta ប្រធានក្លឹប Barcelona បានលើកឡើងកាលពីថ្ងៃព្រហស្បតិ៍អំពីស្ថានភាពហិរញ្ញវត្ថុរបស់ក្លឹបខណៈរូបលោកមិនទាន់បានបញ្ចេញឈ្មោះសាជាថ្មីសូម្បីតែ Williams ថាពួកគេនិងអាចមានលទ្ធភាពអាចទិញ ជាមួយទំហំទឹកប្រាក់ដែលក្លឹបកំពុងមានទាំងមិនទាន់បានបញ្ចេញលក់កីឡាករដែលមានស្រាប់នោះដែរ។ ជាមួយគ្នានេះផងដែរមកដល់ពេលនេះសាម៉ីខ្លួន Nico Williams នៅតែរក្សាភាពស្ងប់ស្ងាត់និងកំពុងសម្រាកលំហែកាយមុនសម្រេចចិត្តបន្តកុងត្រាថ្មីជាមួយ At.Bilbao រឺចាកចេញនោះទេ។
ប្រភព:Besoccer
ប្រភព:
![](https://cambosport.net/wp-content/uploads/2024/09/ronaldo-vs-messi-300x158.png)
![](https://cambosport.net/wp-content/uploads/2024/09/Suarez-300x158.png)
![](https://cambosport.net/wp-content/uploads/2024/08/Petit-300x158.png)
![](https://cambosport.net/wp-content/uploads/2024/08/Olmo-1-300x158.png)