![Featured-Image](https://cambosport.net/wp-content/uploads/2024/07/JOSE26July2024-1024x538.jpg)
(ទួរគី)៖ គ្រូបង្វឹកក្លឹប Fenerbahce លោក Jose Mourinho បានបញ្ចុះបញ្ចូលនឹងឆ្មក់យកបានខ្សែប្រយុទ្ធសញ្ជាតិម៉ារ៉ុក Youssef En-Nesyri ដោយផ្ទេរពីក្លឹបអេស៉្បាញ Sevilla ក្នុងតម្លៃខ្លួនប្រមាណ ២០លានអឺរ៉ូ ជាមួយនឹងការផ្តល់ជូននូវកិច្ចសន្យាកុងត្រារយៈពេល៥ឆ្នាំ ។ ការចុះហត្ថលេខាផ្លូវការនេះ ធ្វើឲ្យគាត់បង្កើតបានកំណត់ត្រាថ្មីមួយផងដែរ។
គួរកត់សម្គាល់ថា កីឡាករវ័យ ២៧ឆ្នាំ បានចំណាយពេលអាជីពរបស់ខ្លួន នៅក្នុងប្រទេសអេស្ប៉ាញ ដោយបានរួមទ្រនំជាមួយក្លឹប Sevilla ដោយផ្លាស់ពីក្លឹប Leganes ក្នុងអំឡុងឆ្នាំ២០២០ និងរកបាន ៥១គ្រាប់ ក្នុងការប្រកួត ១៤៣លើក នៅ La Liga ហើយក៏បានជួយឱ្យក្លឹបឈ្នះពានរង្វាន់ Europa League ចំនួន ២លើក ផងដែរ។
ជាមួយគ្នានេះ En-Nesyri រកបាន ២០គ្រាប់ ក្នុងចំណោម ៧៣ប្រកួត សម្រាប់ក្រុមជម្រើសជាតិម៉ារ៉ុក និងចូលលេងចំនួន ៤លើកផងដែរក្នុងព្រឹត្តិការណ៍ African Cup of Nations។ គួរជម្រាបផងដែរថា Fenerbahce បានបញ្ចប់ក្នុងតំណែងជើងឯករងនៅលីគ Turkish Super Lig កាលពីរដូវកាលមុន៕
ប្រភព៖ SPORTbible & CNA
![](https://cambosport.net/wp-content/uploads/2024/09/CR706Sep2024-300x158.jpg)
![](https://cambosport.net/wp-content/uploads/2024/09/Pudo05Sep2024-300x158.jpg)
![](https://cambosport.net/wp-content/uploads/2024/09/NewcastlePlayers04Sep2024-300x158.jpg)
![](https://cambosport.net/wp-content/uploads/2024/09/ChelseaXRonaldoXMane04Sep2024-300x158.jpg)