James Rodriguez ទំនងជាចាកចេញពី Sao Paulo ខណៈក្លឹបបន្ទាប់របស់គេកំពុងស្ថិតក្នុងជាចម្ងល់សម្រាប់អ្នកគាំទ្រ។ James បានបង្ហាញភាពអស្ចារ្យរបស់ខ្លួនសារជាថ្មីនៅក្នុងព្រឹត្តិការណ៍ COPA America 2024 ដែលកូឡុំប៊ីជាប់ជាឯករងក្រោយបរាជ័យក្រោមថ្វីជើងអាហ្សង់ទីន។ ទោះបីជាយ៉ាងណាបច្ចុប្បន្នមិនទាន់មានការប្រកាសជាផ្លូវការណ៍ណាមួយជុំវិញការចាកចេញពី Sao Paulo នៅឡើយ ខណៈមានក្លឹបជាច្រើននៅប្រទេសអេស្ប៉ាញដូចជា AT Madrid, Betis, Villarreal, និង Celta Vigo កំពុងបើកការចាប់អារម្មណ៍លើខ្សែបម្រើឆ្នើមរូបនេះ។ ការផ្ទេរបន្ទាប់របស់គេកំពុងស្ថិតក្នុងក្តៅកកុកដោយអ្នកគាំទ្រជាច្រើនអន្ទះសារចង់ឃើញវត្តមានរបស់កីឡាកររូបនេះនៅទឹកដីអឺរ៉ុបម្តងទៀត៕