(អង់គ្លេស)៖ យោងតាមតាមសារព័ត៌មាន BBC បានចុះផ្សាយនាថ្ងៃអង្គារនេះ បានឲ្យដឹងថា ក្លឹប Aston Villa បានចុះហត្ថលេខានាំយកខ្សែបម្រើ Amadou Onana ផ្ទេរមកពីក្លឹប Everton ក្នុងតម្លៃកិច្ចព្រមព្រៀង ៥០លានផោន។ ទន្ទឹមនឹងនេះ កីឡាករក្រុមជម្រើសជាតិបែលហ្ស៊ិក មានវ័យ ២២ឆ្នាំ កំពុងទទួលបានឱកាសលេងឱ្យក្លឹប Aston Villa ក្នុងក្របខ័ណ្ឌ UEFA Champions League រដូវកាលថ្មីនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ជាមួយគ្នានេះ Onana បានចូលរួមជាមួយក្លឹប Everton ដោយផ្លាស់ពីក្លឹប Lille ក្នុងតម្លៃ ៣៣លានផោន ក្នុងអំឡុងឆ្នាំ២០២២ និងបានបង្ហាញខ្លួន ៧២ប្រកួត សម្រាប់ក្រុម Everton ដោយរកបាន ៤គ្រាប់។ គួរជម្រាបផងដែរថា Onana ក៏ធ្លាប់មានព័ត៌មានផ្លាស់ទៅលេងនៅក្លឹបកាំភ្លើងធំ Arsenal ក្នុងឆ្នាំ២០២៣ ផងដែរ តែក្រោយមកក៏ស្ងាត់ទៅវិញ៕

ប្រភព៖ BBC