(អារ៉ាប៊ីសាអូឌីត)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានអះអាងឲ្យដឹងថា ក្លឹប Al Nassr ដែលតារាឆ្នើម Cristiano Ronaldo កំពុងប្រកបអាជីពបច្ចុប្បន្ន បានយល់ព្រមចុះហត្ថលេខាលើអ្នកចាំទីសញ្ជាតិប្រេស៊ីល Bento ដែលផ្ទេរពីក្លឹប Athletico Paranaense ក្នុងតម្លៃខ្លួនត្រឹម ១៨លានអឺរ៉ូ ខណៈខិតជិតដល់កិច្ចព្រមព្រៀងផ្លូវការហើយរវាងភាគីសងខាង។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរជម្រាបដែរថា កិច្ចសន្យានេះកើតឡើង បន្ទាប់ពីក្លឹប Al Nassr ត្រូវបានបដិសេធលើការដេញថ្លៃតម្លៃ ៣០លានអឺរ៉ូ លើអ្នកចាំទី Ederson ដោយក្លឹប Man City ទាមទារតម្លៃខ្លួនប្រមាណ ៦០លានអឺរ៉ូ។

គួរបញ្ជាក់ផងដែរថា អ្នកចាំទីប្រេស៊ីលវ័យ ២៥ឆ្នាំ កំពុងធ្វើដំណើរទៅធ្វើតេស្តសុខភាព និងចុះកិច្ចសន្យាសម្រេចជាមួយ Al Nassr ដែលធ្វើឡើងនៅប្រទេសព័រទុយហ្គាល់នាពេលខាងមុខឆាប់ៗនេះ៕

ប្រភព៖ Fabrizio Romano