(អេស៉្បាញ)៖ យោងតាមសារព័ត៌មាន talkSPORT បានឲ្យដឹងថា ក្លឹបអធិរាជស Real Madrid កំពុងមានចំណាប់អារម្មណ៍ខ្លាំងចង់បានខ្សែការពារស្លាបស្តាំ Trent Alexander-Arnold របស់ក្លឹបហង្សក្រហម Liverpool ដែលជាដៃគូមិត្តរួមជាតិជាមួយខ្សែបម្រើឆ្នើម Jude Bellingham ដ៏មានសក្កានុពល។

ទន្ទឹមនឹងនេះ កីឡាករវ័យ ២៥ឆ្នាំ [Arnold] នៅសល់កិច្ចសន្យាកុងត្រា​រយៈពេល​ ១ឆ្នាំ​ ទៀតជាមួយ Liverpool ដូច្នេះជាហេតុធ្វើឲ្យ Real Madrid មានការ​ចាប់អារម្មណ៍ ចំពេលខ្សែការពារស្លាប Dani Carvajal ខិតជិតនឹងផុតកុងត្រាផងដែរ។

គួរបញ្ជាក់ផងដែរថា ម្ចាស់ជើងឯក UCL ១៥សម័យកាល ទើបតែបានប្រកាលផ្លូវការពីវត្តមានតារាឆ្នើម Kylian Mbappe កាលពីម្សិលមិញ៕

ប្រភព៖ BBC & talkSPORT