ក្លឹប Arsenal បានត្រៀមខ្លួនរួចជាស្រេចក្នុងផ្តល់នូវសំណើរកុងត្រាមួយជីវិតសម្រាប់កីឡាករ Mikel Merino ដែលបានបង្ហាញទម្រង់លេងដ៏លេចធ្លោនៅ Euro 2024 ជាមួយនឹងក្រុមជម្រើសជាតិអេស្ប៉ាញដែលទើបក្លាយជាម្ចាស់ជើងឯកថ្មីៗ។ កីឡាករវ័យ២៨ឆ្នាំរូបនេះបច្ចុប្បន្នកំពុងប្រកបអាជីពនៅក្លឹប Real Sociedad ក្របខណ្ឌ La Liga ប្រទេសអេស្ប៉ាញ ដោយនៅសល់កុងត្រាត្រឹមតែ១ឆ្នាំទៀតប៉ុណ្ណោះ។

គួរបញ្ជាក់ផងដែលថា Aston Villa ក៏បានបង្ហាញការចាប់អារម្មណ៍លើកីឡាកររូបនេះដូចគ្នា ប៉ុន្តែក្លឹប Arsenal ហាក់ប្រៀបជាងដោយ Merino ទំនងសម្លឹងមើលការចូលរួមជាមួយនឹងអតីតមិត្តរួមក្រុមរបស់ខ្លួនគឺ Martin Odegaard ៕