ក្លឹប Manchester City បានបដិសេធសំណើរពីក្លឹប Al-Nassr ដែលមានតម្លៃ២៥លានផោនក្នុងការដេញថ្លៃយកអ្នកចាំទី Ederson ដែលបានផ្ទេរទៅកាន់ទឹកដី Etihad តាំងពីឆ្នាំ២០១៧។ Al Nassr មានកីឡាករឆ្នើមៗ ពីតំបន់អឺរ៉ុបមួយចំនួនរួចមកហើយដូចជា Cristiano Ronaldo, Sadio Mane, ជាដើម ខណៈបច្ចុប្បន្នពួកគេក៏កំពុងសម្លឹងមើលការយកអ្នកចាំទីឆ្នើម Ederson ម្នាក់ទៀតផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
យ៉ាងណាមិញបច្ចុប្បន្ន Ederson នៅសល់កុងត្រាមរយៈពេល២ឆ្នាំទៀតជាមួយនឹងក្លឹប Manchester City ខណៈតម្លៃផ្តាច់កុងត្រាមានរហូតដល់ ៥១លានផោនឯណោះ។ Man City បច្ចុប្បន្នក៏កំពុងពិចារណាក្នុងការបន្តកុងត្រាថ្មីឲ្យអ្នកចាំទីសញ្ជាតិប្រេសុីលរូបនេះដូចគ្នា ទោះបីជាមានរបាយការណ៍បានចុះផ្សាយថា Ederson ក៏បានបើកការចាប់អារម្មណ៍លើការផ្ទេរទៅកាន់ទឹកដីអារ៉ាប់ ដោយបច្ចុប្បន្នវាត្រូវពឹងផ្នែកលើការចរចាររវាងភាគីក្លឹប Man City និង Al-Nassr ដើម្បីអាចឈានដល់កិច្ចព្រមព្រៀងនៅក្នុងតម្លៃណាមួយ៕
