(ប្រេស៊ីល)៖ យោងតាមគេហទំព័រកីឡាករ BBC បានចេញផ្សាយឲ្យដឹងថា អតីតខ្សែបម្រើឆ្នើម Barcelona និង Liverpool គឺកីឡាករ Philippe Coutinho របស់ក្លឹប Aston Villa បានសម្រេចចិត្តចូលរួមជាមួយក្រុម Vasco da Gama នៅក្របខ័ណ្ឌ Serie A របស់ប្រទេសប្រេស៊ីល ក្នុងលក្ខខណ្ឌខ្ចីជើងរយៈពេលមួយរដូវកាល។
គួរជម្រាបដែរថា កីឡាករសញ្ជាតិប្រេស៊ីលត្រូវបានខ្ចីជើងម្តងទៀត បន្ទាប់ពីចំណាយពេលកាលពីរដូវកាលមុនក្នុងក្រុម Al-Duhail នៅប្រទេសកាតា។ ជាមួយគ្នានេះ Coutinho នៅសល់កុងត្រារយៈពេល ២ឆ្នាំ ទៀតជាមួយ Aston Villa ដោយបានផ្លាស់ពីក្លឹបកាតាឡាន់ Barcelona ក្នុងតម្លៃ ១៧លានផោន ក្នុងឆ្នាំ២០២២ ពោលគឺ ៦ខែ បន្ទាប់ពីការចុះហត្ថលេខាដំបូងក្នុងលក្ខខណ្ឌខ្ចីជើង៕
ប្រភព៖ BBC
ក្រុមពិការភាពអេស្បាញបានគំរាមចាត់វិធានការផ្លូវច្បាប់បន្ទាប់ពីរកឃើញថាកីឡាករឆ្នើម Lamine Yamal បានជួលក្រុមមនុស្សតឿដើម្បីមកសម្តែង និង រាំកម្សាន្តក្នុងឱកាសនៃពិធីខួបកំណើតគម្រប់ ១៨ ឆ្នាំ(ពេញវ័យកំលោះ)របស់ខ្លួនកាលពីចុងសប្តាហ៍មុនថ្មីៗនេះ។គួររំលឹកថាកាលពីថ្ងៃសៅរ៍ ខ្សែបម្រើស្លាបរបស់ Barcelona និងជម្រើសជាតិអេស្បាញបានរៀបចំពិធីជប់លៀងដ៏ធំមួយដែលចូលរួមដោយមិត្តរួមក្រុម និង តារាល្បី តន្ត្រីករ យូធូប និងអ្នកមានឥទ្ធិពលលើបណ្តាញសង្គមជាដើម។យោងតាមរបាយការណ៍ក្នុងស្រុក និងរូបភាពតាមប្រព័ន្ធផ្សព្វផ្សាយសង្គម មានមនុស្សតឿមួយក្រុមបានចូលរួមពិធីជប់លៀងនោះផងដែរ ។អត្ថបទកំពុងចាប់អារម្មណ៍៖ Man.City ត្រៀមវៃចេញកីឡាករ៦រូបមុនរដូវកាលថ្មីចាប់ផ្តើម សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានសមាគមទាក់ទងនិងសុខភាពមួយចំនួននៅ ប្រទេសអេស្ប៉ាញបាននិយាយថាសកម្មភាពនេះជាការ រំលោភលើច្បាប់សិទ្ធិពិការភាព(មនុស្សមានការសម្បទាមិនដូចមនុស្សធម្មតា)នៅក្នុងប្រទេស។នៅក្នុងនោះប្រធានសមាគមន៍សុខភាពមួយហៅកាត់ថា ADEE នៃរដ្ឋ Carolina Puente បាននិយាយថាវាមិនអាចទទួលយកបានទេដែលថានៅក្នុងសតវត្សទី ២១ មនុស្សតឿនៅតែត្រូវបានប្រើប្រាស់សម្រាប់ការកម្សាន្តនៅឯពិធីជប់លៀងឯកជនជាពិសេសនៅពេលដែលបុគ្គលសាធារណៈត្រូវបានចូលរួម។សេចក្តីថ្លៃថ្នូរ និងសិទ្ធិរបស់សហគមន៍របស់យើងមិនអាចក្លាយជាប្រភពនៃការកម្សាន្តក្នុងកាលៈទេសៈណាក៏ដោយ”។លោក Jesus Martin Blanco អគ្គនាយកទទួលបន្ទុកសិទ្ធិជនពិការនៅក្នុងក្រសួងសិទ្ធិសង្គមរបស់ប្រទេសអេស្ប៉ាញក៏បានអំពាវនាវឱ្យមានការស៊ើបអង្កេតករណីនេះផងដែរ។ ប្រភព:MSN
