ក្រុមជើងខ្លាំងប្រេស៊ីលបានធ្លាក់ចេញពីការប្រកួតពានរង្វាន់ Copa America ២០២៤ កាលពីព្រឹកថ្ងៃអាទិត្យ បន្ទាប់ពីពួកគេបានប្រកួតចាញ់ក្រុមអ៊ុយរូហ្គាយដោយបាល់ប៉េណាល់ទី (៤ទល់និង២) បន្ទាប់ពីបញ្ចប់លទ្ធផលស្មើគ្នា០ទល់និង០តង់ទីពីរជាផ្លូវការណ៏រួចមក។សម្រាប់កីឡាករប្រេស៊ីលដែលមិនអាចស៊ុតបញ្ចូលទីបាល់កាត់សេចក្តី១១ម៉ែត្របាននោះគឺ Eder Militao និង Douglas Luiz ដែលទើបផ្ទេរទៅ Juventus ខណៈអ៊ុយរូហ្គាយកីឡាករ Gimenez មិនអាចធ្វើបានសម្រេច។
អ៊ុយរូហ្គាយ នឹងត្រូវជួបជាមួយ កូឡុំប៊ី ក្នុងវគ្គពាក់កណ្តាលផ្តាច់ព្រ័ត្រ នៅថ្ងៃពុធ ក្នុងទីក្រុង Charlotte នារដ្ឋ North Carolina។ការពិតប្រេស៊ីលហាក់មានប្រៀបដោយសារតែក្រុមអ៊ុយរូហ្គាយត្រូវបានអាជ្ញាកណ្តាលបណ្តេញកីឡាករ Nahitan Nandez នៅនាទីទី ៧៤មកម្លេះ ប៉ុន្តែពួកគេមិនអាចធ្វើអ្វីក្រុមដែលនៅសល់គ្នាលេងតែ១០នាក់បាន។
ការប្រកួតវគ្គពាក់កណ្តាលផ្តាច់ព្រ័ត្រ Copa America ១គូទៀតនៅទីក្រុង New Jersey នៅថ្ងៃអង្គារផងដែរគឺក្រុមការពារតំណែងជើងឯក អាហ្សង់ទីន និងត្រូវជួបគូប្រជែងកាណាដា។
ប្រភព:firstpost
វីដេអូ:ប្រេស៊ីល vs អ៊ុយរូហ្គាយ
