(អាល្លឺម៉ង់)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានឲ្យដឹងថា ក្លឹបយក្សអាល្លឺម៉ង់ Bayern Munich បានយល់ព្រមលើកិច្ចព្រមព្រៀងចុះហត្ថលេខាលើខ្សែបម្រើកណ្តាល João Palhinha របស់ក្លឹប Fulham ក្នុងតម្លៃផ្ទេរប្រមាណ ៥០លានអឺរ៉ូ បូកនឹងប្រាក់រង្វាន់ផ្សេងៗ ៥លានអឺរ៉ូ បន្ថែម ខណៈដែលលក្ខខណ្ឌផ្ទាល់ខ្លួនបានយល់ព្រមកាលជាងពី ១ខែ មុនមកម្លេស។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទន្ទឹមនឹងនេះ កីឡាករសញ្ជាតិព័រទុយហ្គាល់ ដែលមានវ័យ ២៨ឆ្នាំ បានត្រៀមខ្លួននឹងចុះហត្ថលេខាលើកិច្ចសន្យារយៈពេល ៤ឆ្នាំ ដែលអាចជម្រុញឲ្យរូបគាត់ក្លាយជាកីឡាករឆ្នើមប្រចាំក្រុមផងដែរ។ បន្ថែមពីនេះ Palhinha មិនបានលាក់បាំងពីបំណងប្រាថ្នារបស់គាត់ ដើម្បីរួមទ្រនំជាមួយ Bayern ស្របពេលរដូវកាលចាស់ ២០២៣/២៤ ជាមួយ Fulham គាត់បង្ហាញខ្លួនបាន ៣៣ប្រកួត នៅ Premier League ខណៈពេលបច្ចុប្បន្នរូបគាត់កំពុងមានភារកិច្ចជួយក្រុមជម្រើសជាតិព័រទុយហ្គាល់ប៉ះនឹងបារាំងវគ្គ ៨ក្រុមចុងក្រោយ នៅក្នុងព្រឹត្តិការណ៍ Euro ឆ្នាំ ២០២៤៕
ប្រភព៖ Fabrizio Romano & SportsMole
