(ទីក្រុងឡុងដ៍)៖ យោងតាមការសារព័ត៌មាន CNA បានឲ្យដឹងថា ក្លឹបតោខៀវ Chelsea បានចុះកិច្ចសន្យាកុងត្រាជាមួយខ្សែបម្រើ Kiernan Dewsbury-Hall ផ្ទេរពីក្លឹប Leicester City លើកិច្ចព្រមព្រៀងរយៈពេល ៥ឆ្នាំ ក្នុងតម្លៃខ្លួនប្រមាណ ៣៨លានដុល្លារ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ Dewsbury-Hall នឹងជួបជុំគ្នាវិញ ជាមួយអ្នកចាត់ការទូទៅក្លឹបថ្មីលោក Enzo Maresca ដែលបានចូលរួមជាមួយ Chelsea កាលពីខែមិថុនាកន្លងទៅ បន្ទាប់ពីបានដឹកនាំ Leicester ដណ្តើមបានពានរង្វាន់លីគទី២អង់គ្លេស Championship កាលពីរដូវកាលមុន។ ជាមួយគ្នានេះ កីឡាករវ័យ ២៥ឆ្នាំ រកបាន ១២គ្រាប់ និង Assists ១២ដង ក្នុងការបង្ហាញខ្លួន ៤៤ប្រកួត នារដូវកាលមុន ដែលនាំឱ្យរូបគេក្លាយជាកីឡាករឆ្នើមប្រចាំរដូវកាលសម្រាប់ Leicester ទៀតផង។ គួរបញ្ជាក់ដែរថា Chelsea បានបញ្ចប់ក្នុងចំណាត់ថ្នាក់ទី៦ ក្នុងតារាង Premier League ២០២៣/២៤៕

ប្រភព៖ CNA & SportsMole