(អង់គ្លេស)៖ យោងតាមសារព័ត៌មាន CNA នាថ្ងៃនេះ បានឲ្យដឹងថា ក្លឹបមាន់ខ្នាយមាស Tottenham Hotspur បានចុះកិច្ចសន្យាជាមួយខ្សែបម្រើវ័យទើបតែ ១៨ឆ្នាំ Archie Gray ទិញពីក្លឹប Leeds United ដែលលេងនៅលីគទី២អង់គ្លេសគឺ Championship ដែលមានកិច្ចព្រមព្រៀងរហូតដល់ឆ្នាំ២០៣០។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ក្លឹបទាំងពីរមិនបានបង្ហាញពីព័ត៌មានលម្អិតនៃតម្លៃផ្ទេរនោះទេ ប៉ុន្តែប្រព័ន្ធផ្សព្វផ្សាយអង់គ្លេស បានអះអាងថា កិច្ចព្រមព្រៀងនេះ មានតម្លៃផ្ទេរប្រមាណ ៤០លានផោន ឬស្មើនឹង ៥០.៥៣លានដុល្លារ។

យ៉ាងណាមិញLeeds បានបរាជ័យក្នុងការឡើងទៅលេងនៅ Premier League វិញ ក្នុងការខិតខំប្រឹងប្រែង បន្ទាប់ពីត្រូវបានកាត់ចោលកាលពីឆ្នាំ២០២៣។ គួរបញ្ជាក់ដែរថា ដោយឆ្លងកាត់សាលាបណ្តុះបណ្តាលរបស់ក្លឹប Leeds កីឡាករ Gray បានបង្ហាញខ្លួនជាលើកដំបូងរបស់លោក ក្នុងក្រុមឈុតធំកាលពីរដូវកាលមុន៕

ប្រភព៖ CNA & SportsMole