(អង់គ្លេស)៖ ក្លឹបមាន់ខ្នាយមាស Tottenham Hotspur បានបើកការចរចាពិភាក្សាលើការចុះហត្ថលេខាលើខ្សែប្រយុទ្ធ Jonathan David របស់ក្លឹប Lille ដែលជាគោលដៅតាមប្រមាញ់ពីសំណាក់ក្លឹបតោខៀវ Chelsea អស់រយៈពេលជាយូរមកហើយនោះ នេះបើយោងតាមគេហទំព័រ Football Insider បានចុះផ្សាយ។

របាយការណ៍បានអះអាងបន្ថែមថា កិច្ចសន្យាកុងត្រារបស់កីឡាករជម្រើសជាតិកាណាដា ដែលមានវ័យ ២៤ឆ្នាំ រូបនេះបច្ចុប្បន្នគឺនៅសល់ ១ឆ្នាំ ទៀតប៉ុណ្ណេាះជាមួយក្រុម Lille។ ទន្ទឹមនឹងនេះដែរ Spurs កំពុងដុតដៃដុតជើង និងរិះរកវីធីសម្រាប់ផ្តល់ជូននូវសំណើរដ៏សាកសមណាមួយទៅកាន់Lille ដើម្បីបញ្ចុះបញ្ចូលឲ្យដោះលែងតារាឆ្នើមរូបនេះ ដែលកំពុងមានភារកិច្ចជួយជាតិនៅព្រឹត្តិកាណ៍ Copa America ឆ្នាំ ២០២៤ នេះផងដែរ។

បើទោះជា ​Chelsea តាមប្រមាញ់ Jonathan David អស់រយៈពេលជាយូរក៏ដោយ ប៉ុន្តែត្រូវបានអ្នកវិភាគមួយចំនួនជឿថា Tottenham មានភាគរយខ្ពស់សម្រាប់ហត្ថលេខារបស់ខ្សែប្រយុទ្ធដែលកំពុងឡើងជើងរូបនេះ៕

ប្រភព៖ SportsMole