អតីតប្រធានក្រុម និងជាវីរបុរសរបស់ក្លឹបបិសាចក្រហម Manchester United បានចាកចេញពីក្លឹបនៅឆ្នាំ២០០៥ ក្រោយមានបញ្ហាជាមួយនឹងលោក Sir Alex Ferguson ដែលជាអ្នកចាត់ការទូទៅរបស់ក្លឹបនាពេលនោះ។ យ៉ាងណាមិញ ក្រោយហេតុការណ៍នោះបានកើតឡើង ទាំងខាង Roy Keane និងលោក Sir Alex Ferguson ហាក់បីមិនចង់វែកញែកអំពីបញ្ហានោះបន្តទៀតឡើយ ដោយបានធ្វើឲ្យមហារជនបន្តការងើនឆ្ងល់រហូតមកដល់សព្វថ្ងៃនេះ។ ទោះបីជាយ៉ាងណាក្តី បច្ចុប្បន្នលោក Roy Keane បានដាច់ចិត្តបង្ហើបអំពីកិច្ចប្រជុំសរុបចំនួន១០នាទី ដែលបានធ្វើឲ្យកុងត្រារបស់លោកត្រូវបានបំផ្លាញ។ លោក Roy Keane បាននិយាយក្នុងកម្មវិធី Stick to Football របស់ SKY SPORTS ថាៈ «ខ្ញុំមានអារម្មណ៍ខឹងជាយូរមកហើយ ប៉ុន្តែអាក្រក់ខ្លាំងនៅពេលដែលអ្នកមានអារម្មណ៍ខឹងនឹងមានភាពអយុត្តិធម៍ ហើយខ្ញុំទទួលបានអារម្មណ៍មួយនោះ ទាំងដែលខ្ញុំមិនបានធ្វើអ្វីខុសឡើយ។
មេធាវីរបស់ខ្ញុំ ដែលបានធ្វើកិច្ចព្រមព្រៀងទាំងអស់របស់ខ្ញុំ ជាបុរសស្ងប់ស្ងាត់បំផុត ខ្ញុំបានឃើញគាត់ចរចារ ហើយគាត់ស្ទើរតែធ្លាក់ពីកៅអី។ Ferguson និង [David] Gill បាននិយាយថា ‘យើងបានមកដល់ទីបញ្ចប់ហើយ នេះគឺជាសេចក្តីថ្លែងការណ៍មួយ’ ។ ខ្ញុំបានតបវិញថា ‘មិនអីទេ’ ហើយពួកគេហាក់ភ្ញាក់បន្តិច ‘អ្វី?!’ ខ្ញុំបាននិយាយថា ‘តាមនឹងទៅ Mike’ ហើយពួកគេបានចេញទៅ ហើយខ្ញុំបាននិយាយថា ‘បាទ ខ្ញុំចេញពីទីនេះ’ ហើយគាត់ [មេធាវីរបស់ខ្ញុំ] ស្ទើមិនជឿនឹងការឆ្លើយតបរបស់ខ្ញុំ – កិច្ចសន្ទនាទាំងអស់គឺក្នុងរយៈពេលដប់នាទី។
ខ្ញុំបានត្រលប់ទៅផ្ទះវិញ ហើយប្រពន្ធបានសួរថា ‘តើមានអ្វីកើតឡើង?’ ខ្ញុំបានតបថា ‘វាចប់ហើយ’។ ហើយពួកគេនៅតែមិនបញ្ចប់កុងត្រារបស់ខ្ញុំភ្លាម ហើយ Mike បាននិយាយថា ‘ខ្ញុំមិនអាចជឿថា វាកំពុងកើតឡើង’ ហើយបន្ទាប់មកសេចក្តីថ្លែងការណ៍បានចេញមក បន្ទាប់មកខ្ញុំដឹងថា នៅថ្ងៃនោះខ្ញុំមិនអាចទៅក្រុមផ្សេងទៀតបានទេ ដូច្នេះខ្ញុំមិនអាចលេងបានទេ រហូតដល់ខែមករា។ ប្រសិនបើខ្ញុំដឹង ខ្ញុំនឹងនិយាយថា ‘ខ្ញុំនឹងហ្វឹកហាត់ជាមួយកីឡាករបម្រុង ហើយធ្វើឱ្យខ្លួនខ្ញុំមានកំលាំងពេលលេង’ ដូច្នេះខ្ញុំបានចាកចេញពី Manchester United ដោយមិនបានលេងពីរឬបីខែដោយសាររបួស»។
បរទេសៈ ក្រុមបាល់ទាត់មេឃខៀវ Manchester City បង្ហាញក្តីព្រួយបារម្ភរបស់ខ្លួនក្នុងការជួប Aston Villa ជាមួយនឹងទម្រង់លេចធ្លោរបស់ Marcus Rashford យប់នេះ។ Rashford បានចាកចេញពីក្រុម Man Utd ក្នុងលក្ខខណ្ឌខ្ចីជើងពីក្រុម Manchester United កាលពីខែមករា តែងតែបង្ហាញទម្រង់លេងគួរឲ្យកត់សម្គាល់ជានិច្ចរាល់ពេលដែលរូបគេលេងទល់នឹងក្រុមគូប្រជែងមួយនេះ ដោយបច្ចុប្បន្នរូបគេអាចរកបាន៦គ្រាប់មកហើយ។អត្ថបទកំពុងចាប់អារម្មណ៍៖ Arsenal កំពុងសម្លឹងរកមើលអ្នកជំនួសខ្សែបម្រើឆើ្នមម្នាក់ដែលកំពុងធ្លាក់ទម្រង់លេងខ្លាំង សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អ្នកវិភាគជំនាញបានទទូចថា Rashford មានភាពសាំជាមួយនឹងក្រុម Man City ហើយទម្រង់លេងបច្ចុប្បន្ននេះអាចឲ្យធ្វើឲ្យរូបគេជាកីឡាករដ៏សំខាន់ក្នុងការប្រកួតនៅយប់នេះ។ កីឡាករដូចជា Rashford និង Ollie Watkins ត្រូវបានគេមើលឃើញថា ចំណុចដ៏គ្រោះថ្នាក់សម្រាប់ក្រុម Man City និងតំបន់ការពាររបស់ពួកគេ ដែលវាអាចនឹងធ្វើឲ្យលោក Pep Guardiola ត្រូវបង្ខំចិត្តដាក់កីឡាករដូចជា Abdukodir Khusanov ដែលទើបតែជាសះស្បើយពីរបួស៕
