(អាល្លឺម៉ង់)៖ ក្រុមជម្រើសជាតិគោជល់អេស្ប៉ាញ និងក្រុមការពារតំណែងជើងឯកអ៊ីតាលី បានឈានទៅវគ្គ ១៦ក្រុមដូចគ្នា ក្នុងពូល B នៃពានរង្វាន់ជើងឯកប្រចាំទ្វីបអឺរ៉ុប Euro ឆ្នាំ ២០២៤ នៅប្រទេសអាល្លឺម៉ង់ជាម្ចាស់ផ្ទះ។ យ៉ាងណាមិញអេស្ប៉ាញ គឺជាអតីតជើងឯកទ្វីបអ៊ឺរ៉ុប ៣សម័យកាល បញ្ចប់តំណែងកំពូលតារាងពូល B តាមរយ:យកឈ្នះអាល់បានី ១ទល់នឹង០ នាយប់មិញក្នុងប្រកួតទី៣ របស់ពួកគេ ដែលកាន់កាប់ ៩ពិន្ទុ ពេញ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ គោជល់អេស្ប៉ាញ នឹងត្រូវរង់ចាំជួបក្រុមលេខ៣ ដែលស្ថិតក្នុងពូល A D E ឬក៏ពូល F ស្របពេលអ៊ីតាលី ដែលលេងស្មើជាមួយក្រូអាត ១-១ នាយប់មិញ ត្រូវប៉ះក្រុមលេខ២ នៃពូល A គឺស្វីស។

គួរបញ្ជាក់ផងដែរថា គិតមកទល់ពេលនេះ វគ្គសន្សំពិន្ទុសម្រាប់ពូល A និងពូល B បានបញ្ចប់ហើយ និងរកបាន ៦ក្រុមកក់កៅអីស្វ័យប្រវត្តិឡើងវគ្គ ១៦ក្រុមនៅ Euro ជំនាន់ទី១៧ ដែលមានអាល្លឺម៉ង់ធ្វើម្ចាស់ផ្ទះលើកទី២ នេះដែរ៕