(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានរាយការណ៍ឲ្យដឹងថា ក្លឹបតោខៀវ Chelsea កំពុងខិតជិតនឹងប្រកាសពីកិច្ចព្រមព្រៀងផ្លូវការណ៍ សម្រាប់ខ្សែបម្រើប្រយុទ្ធ Omari Kellyman ពីក្លឹប Aston Villa ក្នុងតម្លៃផ្ទេរ ១៩លានផោន ជាមួយនឹងការផ្តល់ជូននូវកុងត្រារហូតដល់ឆ្នាំ ២០៣០ បូកនឹងជម្រើសបន្តកុងត្រារយៈពេល ១ឆ្នាំ បន្ថែមទៀតផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទន្ទឹមនឹងនេះកិច្ចព្រមព្រៀង កំពុងស្ថិតក្នុងដំណើរការ ឈានកៀកនឹងបញ្ចប់ ជាមួយនឹងលក្ខខណ្ឌផ្ទាល់ខ្លួន និងការត្រួតពិនិត្យសុខភាពចាំបាច់នឹងត្រូវធ្វើឡើងនាថ្ងៃចន្ទនេះ។ ការពិភាក្សាបាននឹងកំពុងធ្វើឡើង សម្រាប់កិច្ចព្រមព្រៀងរយៈពេល ៥ឆ្នាំ ខណៈកីឡាករវ័យត្រឹម ១៨ឆ្នាំរូបនេះ ត្រូវបានគេរំពឹងថា នឹងជាផ្នែកមួយនៃក្រុមឈុតធំ របស់អ្នកចាត់ការទូទៅលោក Enzo Maresca។
កីឡាករវ័យក្មេងដែលទទួលបានការវាយតម្លៃខ្ពស់ បានបង្ហាញខ្លួនចំនួន ៦លើក ក្នុងក្រុមឈុតធំរបស់ក្លឹប Aston Villa និងជាកីឡាករអន្តរជាតិអង់គ្លេស U-19 ផងដែរ។ គួរជម្រាបផងដែរថា Kellyman បានចូលរួមជាមួយ Villa ដោយផ្ទេរមកពីក្លឹប Derby County ក្នុងតម្លៃ ៦០០,០០០ផោន កាលពីអំឡុងខែកក្កដា ឆ្នាំ២០២២ កន្លងទៅ៕
ប្រភព៖ BBC & Fabrizio Romano
