(អាល្លឺម៉ង់)៖ អ្នកគាំទ្រជាច្រើនរបស់ក្រុមជម្រើសជាតិព័រទុយហ្កាល់នៅជុំវិញពិភពលោក បានធ្វើការរិះគន់ទៅលើទម្រង់លេងរបស់ខ្សែបម្រើឆ្នើម Bernardo Silva នៅលើប្រព័ន្ធបណ្តាញសង្គម បើទោះបីជា Portugal ទទួលបានជ័យជម្នះ ២ទល់នឹង១ លើជម្រើសជាតិ Czechia នៅព្រឹត្តិការណ៍ Euro ២០២៤ ក៏ដោយ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ជាមួយគ្នានោះ អ្នកគាំទ្របានរិះគន់ខ្សែបម្រើវ័យ ២៩ឆ្នាំ យ៉ាងដូច្នេះថា៖

• មតិ១៖ «Silva ប្រសិនមិនលេងទម្រង់បែបបទដូចយុទ្ធសាស្រ្តរបស់លោក Pep ទេគឺថាលេងមិនរលូននឹងល្អនោះទេ»។
• មតិ២៖ «Bernardo ល្អបានតែនៅក្រុម Man City នោះទេ បើនៅប្រទេសធ្វើមិនបានល្អសោះ»។
• មតិ៣៖ «គ្មានអ្នកគាំទ្របាល់ទាត់ណាចង់ឃើញ Bernardo Silva លេងដូចមនុស្សវ័យ ៤០ឆ្នាំ អញ្ជឹងទេ»។
• ….

រំលឹកដែរថា Silva ត្រូវបានចាត់ទុកថា ជាកីឡាករដ៏ល្អបំផុតមួយរូបរបស់ពិភពលោក ចាប់តាំងពីគាត់បានផ្ទេរពីក្លឹប Monaco ទៅកាន់មេឃខៀវ Manchester City ក្នុងអំឡុងឆ្នាំ២០១៧ ប៉ុន្តែជារឿយៗគាត់មានមិនសូវជាធ្វើបានជាមួយ Portugal នៅលើឆាកអន្តរជាតិនោះឡើយ៕

ប្រភព៖ SPORTbible