(អង់គ្លេស)៖ យោងតាមសារព័ត៌មាន The Sun បានឲ្យដឹងថា គ្រូបង្វឹកថ្មីរបស់ក្រុមតោខៀវ Chelsea លោក Enzo Maresca បានកំណត់អត្តសញ្ញាណ និងកំពុងចាប់អារម្មណ៍ក្នុងការចុះហត្ថលេខាលើខ្សែបម្រើកណ្តាល Kiernan Dewsbury-Hall របស់ក្លឹប  Leicester City ដើម្បីជំនួសកន្លែង Conor Gallagher។

របាយការណ៍បន្ថែមថា ក្លឹប Leicester ទំនងជាមិនអនុញ្ញាតឱ្យ Dewsbury-Hall ចាកចេញក្នុងតម្លៃថោកនោះទេ ដោយក្លឹបត្រូវការផ្តល់ជូនសំណើរយ៉ាងតិច ៤០លានផោន សម្រាប់ខ្សែបម្រើវ័យ ២៥ឆ្នាំ រូបនេះលើលក្ខខណ្ឌដោះលែង។ ទោះជាយ៉ាងណា ស្ថានភាពហិរញ្ញវត្ថុរបស់ Leicester អាចបង្ខំឱ្យក្លឹបសម្រេចចិត្តលក់ក្នុងតម្លៃទាប ដែលអាចជម្រុញដល់ក្លឹប Chelsea ក៏ដូចជា Brighton & Hove Albion ដែលធ្លាប់មានចំណាប់អារម្មណ៍ពីមុនមកផងដែរ៕

ប្រភព៖ SportsMole