(អេស៉្បាញ)៖ យោងតាមកាសែត Daily Mail បានឲ្យដឹងថា គ្រូបង្វឹករបស់ក្លឹបយក្សនៅប្រទេសអេស៉្បាញ Atletico Madrid លោក Diego Simeone នៅតែបង្ហាញកោតសរសើរ និងពេញចិត្តចំពោះសមត្ថភាពខ្សែបម្រើ Pierre-Emile Hojbjerg របស់ក្លឹបមាន់ខ្នាយមាស Tottenham Hotspur ដោយចង់ចុះហត្ថលេខានាំយកមករួមទ្រនំនៅរដូវក្តៅនេះ។

រំលឹកដែរថា កីឡាករវ័យ ២៨ឆ្នាំ ត្រូវបានផ្សារភ្ជាប់យ៉ាងខ្លាំងជាមួយនឹងការផ្ទេរទៅកាន់ Atletico កាលពីឆ្នាំមុន ប៉ុន្តែការផ្ទេរបានបរាជ័យ។ ងាកមកបច្ចុប្បន្នវិញ AT Madrid កំណត់ចង់បានរូបគេយ៉ាងខ្លាំង ដើម្បីពង្រឹងក្រុមនៅមុនរដូវកាល ២០២៤/២៥ មកដល់។ គួរជម្រាបដែរថា Spurs នឹងសុខចិត្តចែកផ្លូវជាមួយ Hojbjerg ប្រសិន AT Madrid ដេញថ្លៃលើសចាប់ពី ១០លានផោន ឡើងទៅ៕

ប្រភព៖ SportsMole