(អង់គ្លេស)៖ ខ្សែការពារកណ្តាល Harry Maguire ប្រាប់ពីភាពស្ងៀមស្ងាត់របស់គាត់ បន្ទាប់ពីត្រូវបានចាកចេញពីក្រុមជម្រើសជាតិអង់គ្លេសសម្រាប់ព្រឹត្តិការណ៍ Euro ឆ្នាំ២០២៤។ ទន្ទឹមនឹងនេះ Maguire គឺជាកីឡាករម្នាក់ក្នុងចំណោមកីឡាករទាំង៧នាក់ ដែលមកពីក្រុមជម្រើស១១នាក់ដំបូងចំនួន ៣៣នាក់ របស់អង់គ្លេស ដែលត្រូវបានកាត់ចេញ។
រំលឹកដែរថា Maguire មិនបានចូលលេងតាំងពីខែមេសា ដោយសាររបួសកំភួនជើង និងមិនបានហ្វឹកហាត់ជាមួយក្រុមជម្រើសជាតិអង់គ្លេសនោះឡើយ។ ប៉ុន្តែពេលនេះគាត់បានបញ្ជាក់ថា ព្រឹត្តិការណ៍យ៉ូរ៉ូឆ្នាំ២០២៤ កៀកចូលមកដល់លឿនពេកសម្រាប់គាត់ ដោយការប្រកួតបើកឆាករបស់ជម្រើសជាតិអង់គ្លេសជាមួយនឹងស៊ែប៊ី នឹងត្រូវធ្វើឡើងនៅថ្ងៃទី១៦ ខែមិថុនា ឆ្នាំ២០២៤ ខាងមុននេះហើយ។
គួរជម្រាបដែរថា Maguire បានបង្ហោះសារនៅលើគណនី Instagram របស់គាត់ថា៖
«ខ្ញុំសោកស្ដាយណាស់ដែលមិនត្រូវបានជ្រើសរើសឲ្យលេងសម្រាប់ក្រុមជម្រើសជាតិអង់គ្លេសនៅ Euro 2024 រដូវក្ដៅនេះទេ»
«ទោះបីខ្ញុំខំប្រឹងប្រែងឲ្យអស់ពីសមត្ថភាពយ៉ាងណា ក៏ខ្ញុំមិនអាចយកឈ្នះលើរបួសកំភួនជើងរបស់ខ្ញុំបានឡើយ។ ប្រហែលជាខ្ញុំជម្រុញខ្លួនឯងខ្លាំងពេក ដើម្បីព្យាយាមធ្វើវាឲ្យឆាប់ជាសះស្បើយ។ និយាយឱ្យចំទៅ ខ្ញុំពិតជាចង់ជួយក្រុមណាស់»
«សម្រាប់ខ្ញុំ ការលេងតំណាងឱ្យប្រទេសអង់គ្លេសគឺជាកិត្តិយសដ៏ខ្ពង់ខ្ពស់បំផុត។ វាមានន័យគ្រប់យ៉ាងសម្រាប់ខ្ញុំ។ ប្រសិនបើខ្ញុំមិនអាចជួយក្រុមក្នុងនាមជាកីឡាករបាននោះទេ ខ្ញុំនឹងគាំទ្រពួកគេក្នុងនាមជា Fan។»
«បន្ទាប់ពីព្រឹត្តិការណ៍នេះ ខ្ញុំនឹងត្រលប់កាន់ Manchester United ដើម្បីត្រៀមខ្លួនសម្រាប់រដូវកាលក្រោយ»៕
ប្រភព៖ Fabrizio Romano & SportsMole
ភ្នំពេញ, ថ្ងៃទី២១ខែមេសា – វិស័យបាល់ទាត់កម្ពុជាបានបង្ហាញនូវអារម្មណ៍សោកស្តាយជាខ្លាំងចំពោះការបាត់បង់កីឡាករ ទេស សម្បត្តិ ដែលបានទទួលមោរណ:ភាពកាលពីយប់ថ្ងៃ២០ខែមេសា២០២៥ ដោយសារតែគ្រោះថ្នាក់ចរាចរណ៍ធ្លាក់ក្នុងស្ទឹង ក្នុងវ័យត្រឹមតែ២៤ឆ្នាំ។ សម្បត្តិ ដែលបច្ចុប្បន្នកំពុងប្រកបអាជីពនៅជាមួយនឹងក្លឹបបាល់ទាត់វិសាខា ដោយធ្លាប់បង្ហាញវត្តមានឲ្យក្រុមជម្រើសជាតិកម្ពុជាចំនួន១៦លើក ត្រូវបានមហារជនកោតសរសើរនឹងទេពកោសល្យរបស់ខ្សែការពាររូបនេះ ជាមួយនឹងកាយសម្បទាដ៏រឹងមាំ និងជាផ្នែកដ៏សំខាន់ជានិច្ចសម្រាប់ក្លឹប និងក្រុមជម្រើសជាតិ។អត្ថបទកំពុងចាប់អារម្មណ៍៖ Man Utd មិនច្បាស់ថាបានលេងនៅ PLទៀត ក្រោយបន្តចាញ់ Wolves (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស អតីតគ្រូបង្វឹកជម្រើសជាតិកម្ពុជាលោក Keisuke Honda បានបង្ហាញអារម្មណ៍សោកស្តាយជាខ្លាំងចពោះការបាត់បង់នេះ ដោយបានសរសេរនៅលើបណ្តាញសង្គម Facebook របស់លោកថា: សម្បត្តិ អ្នកក្មេងពេកហើយ ដែលត្រូវជួបរឿងបែបនេះ ខ្ញុំមិនជឿឡើយ។
