(ទីក្រុងឡុងដ៍)៖ ក្លឹបតោខៀវ Chelsea បានតែងតាំងអតីតអ្នកចាត់ការទូទៅក្លឹប Leicester City គឺលោក Enzo Maresca ជាអ្នកចាត់ការថ្មីរបស់ពួកគេ លើកិច្ចសន្យាព្រមព្រៀងគ្នារយៈពេល ៥ឆ្នាំ ជាមួយនឹងជម្រើសបន្ថែម ១ឆ្នាំផងដែរ នេះបើយោងតាមសារព័ត៌មាន BBC ចេញផ្សាយកាលពីថ្ងៃអង្គារម្សិលមិញ។
បុរសសញ្ជាតិអ៊ីតាលី បានឡើងមកជំនួសតំណែងលោក Mauricio Pochettino ដែលបានលាលែងពីតួនាទី ដោយមានការព្រមព្រៀងគ្នាទៅវិញទៅមក កាលពីថ្ងៃទី២១ ខែឧសភា បន្ទាប់ពីដឹកនាំទើបតែបាន ១រដូវកាល ប៉ុណ្ណេាះ។ លោក Maresca មានវ័យ ៤៤ឆ្នាំ បានចូលកាន់តំណែងនៅក្លឹប Leicester ក្នុងឆ្នាំ២០២៣ និងបានដឹកនាំក្លឹបឈ្នះពានរង្វាន់នៅលីគទី២ អង់គ្លេស គឺ Championship កាលពីរដូវកាលមុន។
លោក Maresca បាននិយាយលើកឡើងថា៖ «ការចូលរួមជាមួយ Chelsea គឺជាក្លឹបមួយ ក្នុងចំណោមក្លឹបធំជាងគេបំផុតនៅលើពិភពលោក ហើយវាគឺជាក្តីសុបិនរបស់គ្រូបង្វឹក។ ដូចនេះហើយ វាគឺជាអ្វីដែលខ្ញុំពិតជារំភើប ចំពោះការទទួលបានឱកាសនេះ»។
សូមជម្រាបថា លោក Maresca ដែលនឹងចាប់ផ្តើមតួនាទីថ្មីរបស់លោក នៅថ្ងៃទី០១ ខែកក្កដានោះ គឺជាការតែងតាំងអ្នកចាត់ការទី៦ សម្រាប់ Chelsea ក្នុងរយៈពេល ៥ឆ្នាំ និងជាលើកទី៤ គិតចាប់តាំងពីវិនិយោគិនអាម៉េរិក Todd Boehly និងក្រុមហ៊ុន Clearlake Capital បានទិញយកក្លឹបនេះកាលពីខែឧសភា ឆ្នាំ២០២២ កន្លងទៅ៕
ប្រភព៖ BBC
បើទោះបីជាបានបំពេញការចុះហត្ថលេខានាំយកខ្សែប្រយុទ្ធឆ្នើមសញ្ជាតិបារាំងពីក្លឹប Eintracht Frankfurt គឺHugo Ekitike ក្នុងតម្លៃផ្តល់ទៅអោយដំបូងគឺ ៦៩ លានផោនក៏ដោយ ផ្ទុយទៅវិញខ្សែប្រយុទ្ធ Alexander Isak នៅតែមានចេតនាចង់ស្វែងរកជម្រើសរបស់គាត់សម្រាប់ការចាកចេញពីទឹកដី St.James Park នៅរដូវក្តៅនេះពោលគឺបន្ទាប់ពីខកខានដំណើរទេសចរណ៍ការប្រកួតកំដៅសាច់ដុំមុនរដូវកាលថ្មីចាប់ផ្តើមនៅទ្វីបអាស៊ី ។ក្លឹបបានជ្រើសរើសកីឡាករចំនួន ៣០ នាក់ ប៉ុន្តែ ខ្សែប្រយុទ្ធស៊ុយអែតIsak មិនបានរួមដំណើរដោយអវត្តមានដោយសាររបួសភ្លៅ។សម្រាប់ Liverpool នៅតែចាប់អារម្មណ៍លើការនាំយកកីឡាករវ័យ ២៥ ឆ្នាំ មកកាន់ទឹកដី Anfield ខណៈអ្នកចាត់ការក្លឹប Newcastle លោក Eddie Howe បាននិយាយថា Isak នឹងក្លាយជាផ្នែកមួយនៃក្រុមសម្រាប់ការប្រកួតនៅប្រទេសសិង្ហបុរី និងកូរ៉េខាងត្បូង។អត្ថបទកំពុងចាប់អារម្មណ៍៖ Liverpool នៅតែចិញ្ចឹមចិត្តចង់បានខ្សែប្រយុទ្ធឆ្នើមរូបនេះពីក្លឹបរួមលីក(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Isak ស៊ុតបញ្ចូលទីបាន ២៧ គ្រាប់ក្នុងការបង្ហាញខ្លួនសរុបគ្រប់ការប្រកួត៤២លើកសម្រាប់ Newcastle កាលពីរដូវកាលមុនខណៈ Newcastle ទក់សាច់ក្នុងលទ្ធផល ៤-០ កាលពីថ្ងៃសៅរ៍នៅលើទឹកដីក្រុម Celtic […]
