ខ្សែប្រយុទ្ធឆ្នើម Al Nassr ដែលធ្លាប់លេងឲ្យក្រុម Real Madrid បានបង្ហាញចំណាប់អារម្មណ៍របស់លោកលើកិច្ចព្រមព្រៀងដ៏ធំបំផុតមួយក្នុងប្រវត្តិសាស្ត្របាល់ទាត់ ។​ Mbappe បានបញ្ចប់ការផ្ទេររបស់ខ្លួនទៅកាន់ក្លឹប Real Madrid ក្នុងនាមកីឡាករដែលគ្មានតម្លៃខ្លួន ខណៈរូបគេបានចុះកុងត្រារយៈពេល៥ឆ្នាំនៅ Bernabeu ជាមួយនឹងប្រាក់រង្វាន់ ១០០លានអឺរ៉ូ សម្រាប់កុងត្រា និង ប្រាក់ឈ្នួល ១៥លានអឺរ៉ូ ក្នុងមួយឆ្នាំ នេះបើតាមការចុះផ្សាយថា ដោយសារព័ត៌មាន Sky sport ។

យ៉ាងណាមិញគេមិនភ្លេចឡើយ​ អតីតវីរបុរសរបស់ក្លឹបគឺ Cristiano Ronaldo ជាបុគ្គលដ៏សំខាន់ម្នាក់ដែលបានជម្រុញឲ្យ Kylian Mbappe ជ្រើសរើសយកក្លឹប Real Madrid ហើយក្រោយការផ្ទេរ Cristiano Ronaldo ធ្វើការ Comment នៅផុសរបស់ Kylian Mbappe ជាមួយនឹងអាវ Real Madrid តាំងកុមារភាពថាៈ «ដល់វេនរបស់ខ្ញុំ ដើម្បីមើលឃើញអ្នករីកលូតលាស់នៅ Bernabeu»៕