ការប៉ុនប៉ងតវ៉ារបស់ក្រុមតោខៀវ Chelsea ដើម្បីលុបចោលបម្រាម៣ប្រកួតសម្រាប់កីឡាករខ្សែការពារស្លាបស្តាំ Reece Jamesត្រូវបានច្រានចោលដោយសមាគមបាល់ទាត់អង់គ្លេស។មានន័យថាប្រធានក្រុមតោខៀវបច្ចុប្បន្នមានវ័យ ២៤ឆ្នាំនឹងខកខានការប្រកួតចំនួន ៣លើកដំបូងនៃរដូវកាលក្រោយបន្ទាប់ពីគាត់ត្រូវបានបណ្តេញចេញ ក្រោយរកឃើញកំហុសលើកីឡាករ Joao Pedro របស់ក្រុម Brightonកាលពីខែមិថុនា។
ការពិតទៅ James ត្រូវបានហាមឃាត់រហូតដល់ទៅ៤ ប្រកួត រួមទាំងជ័យជំនះការប្រកួតលើកចុងក្រោយ លើ Bournemouth បន្ទាប់ពីរូបគេទទួលបានកាតក្រហមជាលើកទីពីរក្នុងរដូវកាលរួចមកនោះ។នៅក្នុងការប្តឹងឧទ្ធរណ៍របស់ Chelsea បានអះអាងថា James មិនមានចេតនាបង្អាក់ល្បឿនបណ្តើរបាល់លើខ្សែប្រយុទ្ធអន្តរជាតិប្រេស៊ីលរូបនេះនោះទេ បើទោះបីជាខ្សែប្រយុទ្ធរូបនេះបានធ្វើអោយរូបគេដួល នៅក្បែរខ្សែបន្ទាត់ពេលកំពុងបណ្តើរបាល់មុនរួចទៅហើយនោះ។ការពិតJames បានខកខានក្នុងការជ្រើសរើសសម្រាប់ក្រុមហ្វឹកហាត់ចូលរួមព្រឹត្តការណ៏ Euro ២០២៤ សម្រាប់ក្រុមអង់គ្លេសរបស់លោក Gareth Southgateរួចទៅហើយបន្ទាប់ពី មិនបានចូលរួមព្រឹត្តិការណ៏ World Cup ២០២២ នៅប្រទេសកាតា ដោយសាររបួសនោះ។
សម្រាប់ Chelsea ក្រោយចែកផ្លូវជាមួយគ្រូបង្វឹកលោក Mauricio Pochettino កាលពីថ្ងៃចន្ទនេះ ពួកគេទើបតែបានតែងតាំងលោក Enzo Maresca សញ្ជាតិអ៊ីតាលីវ័យ៤៤ឆ្នាំ ដែលជាអតីតគ្រូបង្វឹកបាននាំ Leicester City មកកាន់ក្របខណ្ឌ EPL ជាផ្លូវការណ៏ ដើម្បីត្រៀមដឹកនាំ Chelsea យុទ្ធនាការប្រកួតរដូវកាលថ្មី ២០២៣-២០២៤។
ប្រភព:BBC
ក្រុមជម្រើសជាតិព័រទុយហ្គាល់ត្រូវប្រឈមជាមួយនិងបារាំង ខណៈរៀមច្បង Cristiano Ronaldo និងត្រូវដឹកនាំក្រុមលេងប្រឈមទល់នឹងកីឡាករសិស្សប្អូនដែលបានចាត់ទុករូបលោកជានិមិត្តរូបរហូតមកនោះគឺ Kylian Mbappe ដែលជាប្រធានក្រុមផងដែរ។ អាចចាតទុកថាជាជំនួបលើកដំបូងគិតចាប់តាំងពីឆ្នាំ២០១៦ បន្ទាប់ពីព័រទុយហ្គាល់បានផ្តួលបារំាងនៅវគ្គ Euro ២០១៦ ។ សម្រាប់ក្រុមទាំងពីរបានកក់កៅអីក្នុងការប្រកួតវគ្គពាក់កណ្តាលផ្តាច់ព្រ័ត្រ Euro ២០២៤ វេលាម៉ោង ២ទាបភ្លឺឈានចូលថ្ងៃសៅរ៏ស្អែកនេះនាកីឡដ្ឋាន Volksparkstadion ក្នុងទីក្រុង Hamburg បន្ទាប់ពីព័រទុយហ្គាល់ក្រោមការដឹកនាំរបស់លោក Roberto Martinez បានទម្លាក់ស្លូវើនៀដោយបាល់កាត់សេចក្តី១១ម៉ែត្រ ខណៈបារាំងបានផ្តួលបែលហ្ស៊ិកដោយលទ្ធផល ១ទល់និង០។ សម្រាប់បារំាង៤ប្រកួតចុងក្រោយនៅព្រឹត្តិ ការណ៏ Euro នាប្រទេសអាឡឺម៉ង់គឺឈ្នះ២ស្មើ២ខណៈព័រទុយហ្គាល់ឈ្នះ៣ចាញ់១។អត្ថបទកំពុងចាប់អារម្មណ៍៖ Prediction: បារាំង រឺ ព័រទុយហ្គាល់ដែលនិងត្រូវកក់កៅអីវគ្គពាក់កណ្តាលផ្តាច់ព្រ័ត្រ Euro ២០២៤ ? សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ១.ប្រវត្តិជួបគ្នា ព័រទុយហ្គាល់ និងបារាំងធ្លាប់ជួបគ្នាសរុប៥ដងនៅអឺរ៉ូ បារាំងឈ្នះការជួបគ្នាពីរលើកដំបូង ប៉ុន្តែមិនបានឈ្នះពីរលើកចុងក្រោយទេ។ ព័រទុយហ្គាល់បានឈ្នះតែមួយលើកគត់ក្នុងចំណោមការជួបគ្នា 14លើកចុងក្រោយរបស់ពួកគេជាមួយនឹងបារាំង។ ជ័យជម្នះនោះបានកើតឡើងក្នុងវគ្គផ្ដាច់ព្រ័ត្រនៃការប្រកួតជើងឯកទ្វីបអឺរ៉ុបឆ្នាំ ២០១៦។ នេះជាលើកទីប្រាំពីរហើយដែលព័រទុយហ្គាល់បានឡើងដល់វគ្គ ១/៤ […]
