ប្រធានក្រុមមេឃខៀវ Man. City កីឡាករ Kyle Walker បានលើកពីឈ្មោះរបស់មិត្តរមជាតិអង់គ្លេសគឺ Reece James ដែលបច្ចុប្បន្នជាកីលាកររបស់ក្រុមតោខៀវ Chelsea ដោយចាត់ទុកថាកីឡាកររូបនេះជាខ្សែការពារស្លាបស្តាំដែលល្អបំផុតនៅក្នុងពិភពលោក។កីឡាករដែលជាខ្សែការពារដ៏រឹងមាំនិងធ្លាប់លេងអោយ Tottenham គឺWalker យល់ឃើញថា James មានគុណសម្បត្តិគ្រប់យ៉ាងដែលខ្សែការពារស្លាបស្តាំគួរតែមាន។ទោះបីជាមានបញ្ហារបួសកើតឡើងម្តងទៀតទៅលើរូបគេ James នៅតែបង្ហាញសមត្ថភាពល្អក្នុងនាមជាខ្សែការពារដ៏ល្អបំផុតម្នាក់នៅក្នុងក្របខ័ណ្ឌ Premier League ចាប់តាំងពីការបង្ហាញខ្លួនឈុតធំអោយក្រុមដំបូងនៅកំលុងខែកញ្ញា ឆ្នាំ ២០១៩មក ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Walker បាននិយាយនៅលើPodcast កម្មវិធី You’ll Never Beat Kyle Walker ថាៈ Reece James គាត់មានអ្វីគ្រប់យ៉ាង។ ប្រសិនជាអោយខ្ញុំឆ្លើយនោះក្នុងនាមកីឡាករលេងនៅតួនាទីដូចគ្នានោះខ្ញុំពិតជាជ្រើសយកគាត់ ព្រោះមិនត្រឹមតែមានសមត្ថភាពការពារ ពីការវាយលុក គាត់អាចប្រើបច្ចេកទេសទាំងជើងទាំងពីរ មិនថា្ដើម្បីឡើងទៅគាំទ្រនៅតំបន់ប្រយុទ្ធក្នុងការគំរាមកំហែងគូបដិបក្ស និង រកបានគ្រាប់បាល់ថែមទៀតផង។
គួរកត់សម្គាល់ថា James ត្រូវបានតែងតាំងជាប្រធានក្រុម Chelsea បន្ទាប់ពីការចាកចេញរបស់កីឡាករអន្តរជាតិអេស្បាញ Cesar Azpilicueta នៅចុងបញ្ចប់នៃរដូវកាលមុន។ប៉ុន្តែជាអកុសលអាចមកពីពេល វេលាចូលលេងមិនបានទៀងទាត់ ទើបធ្វើអោយកីឡាករវ័យ ២៤ ឆ្នាំរូបនេះមិនត្រូវបានកោះហៅបង្ហាញខ្លួនសម្រាប់ក្រុមជម្រើសជាតិអង់គ្លេសទាំង ៣៣ នាក់នៅមុនការប្រកួត Euro ២០២៤នារដូវក្តៅនេះក្នុងប្រទេសអាល្លឺម៉ង់ ២ឆ្នាំក្រោយខកខានក្នុងការបង្ហាញខ្លួននៅWorld Cup ២០២២នៅប្រទេសកាតាដោយសារបញ្ហារបួស។
ប្រភព:dailypost
វីដេអូ:
