ខ្សែការពារស្វាស្តាំរបស់ក្លឹប​ Manchester City កីឡាករ Kyle Walker បានចេញមកពន្យល់អំពីមូលហេតុដែលកីឡាករបាល់ទាត់ស្ទើរតែទាំងអស់ធ្វើការសន្ទនានៅលើទីលានដោយយកដៃរបស់ខ្លួនបិទមាត់។ ថ្លែងនៅលើផតឃែស្ថថ្មីរបស់គាត់ ‘You’ll Never Beat Kyle Walker’ ដែលត្រូវបានសហការរៀបចំដោយអតីតតារា Love Island និងជាពិធីករទូរទស្សន៍ Chris Hughes Walker បានបើកបង្ហាញយ៉ាងច្បាស់អំពីមូលហេតុដែលកីឡាករបាល់ទាត់យកដៃបិទមាត់របស់ពួកគេ។

គាត់​បាន​ពន្យល់​ថា​៖ “​វា​ដូច​ជា​កាមេរ៉ា​មើល​មិន​ឃើញ! អ្នក​ប្រហែល​ជា​កំពុង​តែ​ស្បថ​ ឬ​មាន​ការ​និយាយ​ស្តី​បន្តិច។ អ្នកប្រហែលជាធ្លាប់ឃើញពួកគេ [អ្នកលេងផ្សេងទៀត] នៅយប់មួយសប្តាហ៍មុន ហើយអ្នកគ្រាន់តែមានការនិយាយស្តីបន្តិច ប៉ុន្តែវាគឺជាអ្វីដែលវាគឺជា។ នៅក្នុងពិភពលោកដែលយើងរស់នៅឥឡូវនេះ គឺមានអ្វីគ្រប់បែបយ៉ាង…សម្បីការស្កេនបបូរមាត់ក៏មាន។”