(បរទេស)៖ ក្រុមបាល់ទាត់ Olympiakos Piraeus បានគ្រងជើងឯកពានរង្វាន់លំដាប់ទី៣ អឺរ៉ុប UEFA Europa Conference League ២០២៣-២៤ ក្រោយយកឈ្នះក្លឹបនៅអ៊ីតាលី Fiorentina ១ទល់នឹង០ ក្នុងម៉ោងថែមផ្តាច់ព្រ័ត្រកាលពីយប់មិញ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សយោងតាមការចេញផ្សាយដោយគេហទំព័រកីឡា BBC នៅថ្ងៃនេះបានឲ្យដឹងថា ម្ចាស់ផ្ទះ Olympiakos ត្រូវរង់ចាំដល់នាទីថែម ១៥នាទី ២ដង ពោលគឺនៅនាទី១១៦ ទើបរកបានគ្រាប់ជ័យជម្នះក្នុងកីឡដ្ឋាន AEK Arena របស់ខ្លួនស្ថិតក្នុងទីក្រុងអាតែន នៃប្រទេសក្រិក។
នេះមានន័យថា Olympiakos បានក្លាយជាក្រុមដំបូងគេរបស់ក្រិក ដែលដណ្ដើមបានជើងឯកអឺរ៉ុប និងផ្តល់ការខកចិត្តលើកទី២ ដល់ Fiorentina របស់អ៊ីតាលីដែលឈានមកដល់ផ្តាច់ព្រ័ត្រ Conference League ដ្បិតរដូវកាលមុនចាញ់ West Ham United។ នេះក៏ជាលើកទី២ ផងដែរនៃក្លិបរបស់ប្រទេសក្រិកដែលឈានដល់ផ្តាច់ព្រ័ត្រពានអឺរ៉ុប នៅពេល Fiorentina លេងវគ្គដណ្តើមពាននេះលើកទី៦៕
គាំទ្រគុនខ្មែរជាមួយគ្រុឌ
គ្រុឌគុនខ្មែរ ថែអត្តសញ្ញាណខ្មែរ នាំគុនខ្មែរ ល្បីលើឆាកអន្តរជាតិ
