(អ៊ឺរ៉ុប)៖ ខ្សែប្រយុទ្ធឆ្នើម Cristiano Ronaldo នឹងត្រូវចូលរួមក្នុងការប្រកួតលក្ខណៈអន្តរជាតិលើកទី១១របស់ខ្លួន បន្ទាប់ពីទទួលបានសេចក្តីទុកចិត្តពីអ្នកចាត់ការទូទៅក្រុមជម្រើសជាតិព័រទុយហ្គាល់ លោក Roberto Martinez ក្នុងការត្រៀមលេងពានអឺរ៉ុប Euro ២០២៤ នៅប្រទេសអាល្លឺម៉ង់។
បច្ចុប្បន្ន Ronaldo មានវ័យ ៣៩ឆ្នាំ កំពុងប្រកបអាជីពលេងនៅក្លឹប Al-Nassr ក្នុងប្រទេសអារ៉ាប៊ីសាអូឌីត ក្នុងនាមជាកីឡាករដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្របាល់ទាត់កម្រិតអន្តរជាតិ ពីការបង្ហាញខ្លួនបាន ២០៦លើក ស៊ុតបាន ១២៨គ្រាប់ ជាមួយក្រុមជម្រើសជាតិផងដែរ។
នេះជាការកោះហៅរបស់ជម្រើសជាតិព័រទុយហ្គាល់ សម្រាប់ជម្រើសជាតិ ២៦នាក់ក្រោមការដឹកនាំដោយលោក Roberto Martinez ដែលមានខ្សែប្រយុទ្ធដល់ទៅ ៧នាក់ ដោយមានកីឡាករ Ronaldo ជាប្រធានក្រុម ក្នុងនោះខ្សែប្រយុទ្ធវ័យក្មេង ២១ឆ្នាំ Francisco Conceicao ក៏ទទួលបានការកោះហៅផងដែរ។
លោក Roberto Martinez បាននិយាយក្នុងសន្និសីទសារព័ត៌មានថា «Ronaldo នៅតែបន្តផ្តល់នៅគុណភាព អំពីគោលដៅនៅខាងមុខ យើងមានការពេញចិត្តយ៉ាងខ្លាំងនៅអ្វីដែលយើងត្រូវការ»។
រំលឹកផងថា Ronaldo បានបង្ហាញខ្លួនលើកដំបូងនៅ Euro 2004 ដែលពេលនោះក្រុមព័រទុយហ្គាល់ បានឡើងដល់វគ្គផ្តាច់ព្រ័ត្រក្នុងទឹកដីខ្លួន តែបានលេងចាញ់ក្រុមជម្រើសជាតិក្រិក ខណៈម្ចាស់ពានបាល់មាស ៥សម័យកាល ក៏រួមចំណែកជួយក្រុមឈ្នះពាននេះនៅឆ្នាំ២០១៦ ដែលជាពានសំខាន់បំផុតសម្រាប់រូបគេ។
សូមជម្រាបថា ក្រុមជម្រើសជាតិព័រទុយហ្គាល់ នៅព្រឹត្តិការណ៍ Euro 2024 បានស្ថិតក្នុងពូល F ហើយក្រុមរបស់លោក Roberto Martinez ក្នុងចំណោម ២៦នាក់នេះ គឺមានសមាសភាពកីឡាករ ៩នាក់ជ្រើសចេញពីលីគអង់គ្លេសផងដែរ៕
បរទេសៈ ខ្សែការពារស្លាបរបស់ក្រុមហង្សក្រហម Liverpool កីឡាករ Trent Alexander Arnold ត្រូវបានទទួលរងការឌឺដងដោយអ្នកគាំទ្រក្រុមរបស់ខ្លួនក្នុងជំនួបដែលក្រុម Liverpool បានត្រឹមស្មើក្រុម Arsenal ក្នុងទឹកដី Anfield កាលពីយប់មិញនេះ។ ហេតុការណ៍នេះកើតឡើងបន្ទាប់រូបគេបានបង្ហាញអំពីការចាកចេញពីក្លឹបមួយនេះនៅពេលចប់រដូវកាលនេះ។ បន្ទាប់ពីត្រូវបានប្តូរចូលនៅនាទី៦៧ខ្សែការពារសញ្ជាតិអង់គ្លេសរូបនេះត្រូវបានទទួលរងការស្រែកចម្អកពីអ្នកគាំទ្ររាល់ពេលដែលរូបគេប៉ះបាល់ម្តងៗ។អត្ថបទកំពុងចាប់អារម្មណ៍៖ ក្រោយបំបាក់ Real ៤ដងជាប់គ្នា! Barca ត្រៀមលើកពាន Laliga ប្រសិន១ប្រកួតទៀតឈ្នះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជាយ៉ាងណាមិញក្រោយចប់ការប្រកួត Arnold បានបង្ហាញការសុំទោស និងគោរពទៅកាន់អ្នកគាំទ្រវិញ។ អតីតខ្សែការពារលោក Jamie Carragher និង Rio Ferdinanad បានធ្វើការរឹះគន់ទៅកាន់អ្នកគាំទ្រចំពោះទង្វើរទាំងអស់នោះ ខណៈ Arnold ធ្លាប់បានចូលរួមចំណែកជួយក្រុមជាច្រើនឆ្នាំមកហើយ ជាពិសេសរូបគេបានបង្ហាញខ្លួនសរុបចំនួន៣៥០ប្រកួតមកហើយ និងឈ្នះពានរង្វាន់ធំៗជាច្រើនរួមទាំង Champions League និង Premier League ។ គ្រូបង្វឹកលោក Arne Slot បានបង្ហាញអារម្មណ៍ខកចិត្តនឹងទង្វើររបស់អ្នកគាំទ្រ […]
