កីឡាករ Ademola Lookman វ័យ២៦ឆ្នាំបានបង្ហាញសមត្ថភាពភាពដ៏ល្អអស្ចារ្យជាមួយការស៊ុតបញ្ចូលទី hat-trick ដ៏គួរឱ្យភ្ញាក់ផ្អើល ខណៈក្រុមមកពីក្របខណ្ឌSerieA គឺ Atalanta បានបញ្ចប់ការប្រកួតមិនស្គាល់ចាញ់ ៥១ ប្រកួតរបស់ Bayer Leverkusen ដើម្បីឈ្នះពានរង្វាន់ Europa League វគ្គផ្តាច់ព្រ័ត្រក្នុងលទ្ធផល ៣ទល់និង០កាលពីថ្ងៃពុធនៅកីឡាដ្ឋាន Dublin’s Aviva Stadium។ វាជាការឈ្នះពានលើកដំបូងក្នុងរយៈពេល ៦១ ឆ្នាំ។យ៉ាងណាមិញអតីតកីឡាករRB Leipzig បានក្លាយជាកីឡាករដំបូងគេដែលស៊ុតបញ្ចូលទីបាន Hat-trick នៅវគ្គផ្តាច់ព្រ័ត្រពានរង្វាន់ធំទីពីររបស់ទ្វីបអឺរ៉ុបក្នុងរយៈពេល ៤៩ ឆ្នាំដើម្បីឈ្នះពានទ្វីបអឺរ៉ុបលើកដំបូងសម្រាប់ Atalanta ។ ក្រុមមកពីក្រុង Bergamo បានសាងប្រវត្តិសាស្រ្តយ៉ាងល្អ ក្រោយខកខានលើកពាន Coppa Italia ក្រោយចាញ់ Juventus នៅវគ្គផ្តាច់ព័្រត្រក្រោមការដឹកនាំរបស់លោក Gian Piero Gasperini ។
គួរកត់សម្គាល់ថាគ្រាប់បាល់ទី១របស់កីឡាករអន្តរជាតិនីហ្សេរីយ៉ាងកើតមានឡើងនៅត្រឹមនាទីទី ១២ដោយការបញ្ជូនរបស់មិត្តរួមក្រុម Davide Zappacosta បញ្ជូនចូលក្នុងប្រអប់ទីខណៈ Lookman បានស៊ុតជើងឆ្វេងយ៉ាងល្អ ខណៈខ្សែបម្រើអន្តរជាតិអាហ្សង់ទីន Exequiel Palacios អស់ជំហរដួលលើស្មៅមិនអាចរារាំងបាន។គ្រប់បាល់ទីពីរគឺគាត់បានប្រើបច្ចេកទេសកឹបបាល់ដាច់ចង្កេះ Granit Xhaka បើបច្ចេកទេសស៊ុតបញ្ចូលទីជើងស្តាំបញ្ជូលទីយ៉ាងល្អនៅនាទីទី២៦។ គ្រាប់បាល់ទី៣គឺជាការវាយបកនៅនាទី៧៥ ជាការបញ្ជូនរបស់ កីឡាករអន្តរជាតិអ៊ីតាលី Gianluca Scamaccaបញ្ជូនអោយ Lookman ស៊ុតបញ្ចូលទីជើងឆ្វេងបានយ៉ាងល្អបំផុត។ គួររំលឹកថាLookman បច្ចុប្បន្នមានវ័យ ២៥ឆ្នាំធ្លាប់ត្រូវបាន RB Leipzig អោយក្លឹប Fulham និង Leicester ខ្ចីជើងមុនពេលលក់ទៅAtalanta នៅឆ្នាំ ២០២២។សម្រាប់ Alonso គាត់នៅតែមានសុទិដ្ឋិនិយមទោះបីជាក្រុមបានត្រឹមតែជាជើងឯករង ខណៈបរាជ័យនេះជាលើកដំបូងគិតចាប់តាំងពីថ្ងៃទី ២៧ ឧសភា ឆ្នាំមុន បន្ទាប់ពីជួយអោយ Leverkusen មិនដែលចាញ់ពេញមួយរដូវកាល និង លើកពាន Bundesliga នៅរដូវកាល ២០២៣-២០២៤រួចហើយនោះ។
ប្រភព:BBC & Besoccer
វីដេអូ១:
វីដេអូ២:
