អ្នកចាត់ការទូទៅក្រុមតោខៀវ Chelsea លោក Mauricio Pochettino បានយល់ព្រមចាកចេញពីក្លឹបដោយការព្រមព្រៀងគ្នាទាំងសងខាងបន្ទាប់ពីចំណាយពេលដឹកនាំក្លឹបដែលមានមូលដ្ឋាននៅភាគខាងលិចទីក្រុងឡុងដ៏គឺ Stamford Bridge ។Pochettino គ្រូបង្វឹកសញ្ជាតិអាហ្សង់ទីនបច្ចុប្បន្នមានវ័យ ៥២ ឆ្នាំបានចូលដឹកនាំ Chelsea កាលពីថ្ងៃទី ១ ខែកក្កដា ដោយចុះហត្ថលេខាលើកិច្ចសន្យារយៈពេល ២ ឆ្នាំជាមួយនឹងជម្រើសបន្តកុងត្រា ១២ ខែទៀត។ទោះយ៉ាងណាអតីតគ្រូបង្វឹក Tottenham និង PSG បានស្ថិតនៅក្រោមសម្ពាធបន្ទាប់ពីពាក់កណ្តាលរដូវកាលដំបូងជួបលទ្ធផលដ៏លំបាក ប៉ុន្តែទីបផុតការឈ្នះប្រាំដងជាប់ៗគ្នានៅចុងបញ្ចប់នៃរដូវកាលនេះបានធានាអោយបួកគេ បញ្ចប់ក្នុងចំណាត់ថ្នាក់លេខ ៦ នៅក្របខ័ណ្ឌ Premier League ។

Chelsea ក៏ជាជើងឯករងពាន Carabao Cup និងឈានទៅវគ្គពាក់កណ្តាលផ្តាច់ព្រ័ត្រនៃពាន FA Cup។ លោក Pochettino បានលើកឡើងយ៉ាងដូច្នេះថាៈ សូមអរគុណដល់ក្រុម និង ម្ចាស់ក្លឹប Chelsea និងនាយកផ្នែកកីឡាសម្រាប់ការផ្តល់ឱកាស ។ក្លឹបបច្ចុប្បន្នបានវិលត្រលប់មកឈរនៅចំណាត់ថ្នាក់ល្អក្នុងការបន្តដំណើរនៅក្របខណ្ឌ Premier League និងពានរង្វាន់ទ្វីបអឺរ៉ុបក្នុងរយៈពេលប៉ុន្មានឆ្នាំខាងមុខ។ ទោះយ៉ាងណា Chelsea មិនបានបង្អែបង្អង់យូរនោះទេ ខណៈពួកគេកំពុងផ្តោតការចាប់អារម្មណ៏លើ អ្នកចាត់ការទូទៅរបស់ Ipswich Town លោក Kieran McKenna, លោក Ruben Amorim របស់ Sporting និង Vincent Kompany របស់ Burnley ផងដែរ។

ប្រភព:BBC