អតីតខ្សែប្រយុទ្ធ Barcelona លោក Rivaldo បាននិយាយអំពីស្ថានភាពបច្ចុប្បន្ននៅក្លឹប Catalan ក្នុងបទសម្ភាសន៍នៅលើគេហទំព័រ Betfair ខណៈដែលរូបលោកចង់អោយក្លឹបលក់ខ្សែបម្រើ Frenkie De Jong ចេញពីក្រុមដោយលើកហេតុផលក្នុងនាមកីឡាករបរទេសដែលធ្លាប់ជួយក្រុមជោគជ័យពីអតីតកាលថាខ្សែបម្រើហូឡង់រូបនេះមិនបានធ្វើអោយក្រុមទទួលបានលទ្ធផលដូចការរំពឹងទុកនោះឡើយ។អតីតកីឡាករមានជំនាញស៊ុតជើងឆ្វេងពីចំងាយ Rivaldo និងជាកីឡាករដែលបានជួយក្រុមសាំបាប្រេស៊ីលលើកពាន World Cup ឆ្នាំ ២០០២ ក្នុងនាមកូរ៉េខាងត្បូង និង ជប៉ុនជាម្ចាស់ផ្ទះ បានលើកឡើងថាៈ យើងអាចចុះហត្ថលេខាលើកីឡាករម្នាក់រឺល្អជាងគាត់។ទោះបីជាពេលនេះគាត់(De Jong) ស្ថិតក្នុងរដូវកាលទី ៥ ជាមួយក្លឹបក៏ដោយ ប៉ុន្តែអ្វីៗគឺមិនបានឈានទៅរកភាពល្អប្រសើរនោះឡើយ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Rivaldo ធ្លាប់លេងអោយ Barcelona ៥រដូវកាលក៏បានរិះគន់លើទម្រង់លេងរបស់ខ្សែប្រយុទ្ធវ័យជ្រេ Lewandowski ខណៈក្រុមនៅតែនៅតែចាត់ទុកជាកីឡាករល្អដោយពោលពាក្យយ៉ាងដូច្នេះថាៈ ទោះបីជា Lewandowski ទើបតែនៅក្លឹបបានពីររដូវកាលក៏ដោយប៉ុន្តែ Barcelona ត្រូវការពាន ហើយអ្នកគាំទ្រចង់ឃើញក្រុមឈ្នះពាន ហើយក៏ព្រោះតែគាត់ជាខ្សែប្រយុទ្ធដ៏អស្ចារ្យ។ ប៉ុន្តែគាត់មានអាយុច្រើនហើយ នោះជាកត្តាសំខាន់ដែលគួរពិចារណាផងដែរ។
Rivaldo ធ្លាប់ប្រកបអាជីពនៅ Camp Nou និងឈ្នះពានបាល់មាស Ballon Dór នៅឆ្នាំ១៩៩៩បានចាកចេញទៅ AC.Milan ក្នុងឆ្នាំ ២០០២ ក្នុងនាមកីឡាករដែលគ្មានតម្ឡៃខ្លួន បាននិយាយពាក្យមួយឃ្លាយ៉ាងខ្លីចុងក្រោយថាៈឥឡូវនេះពួកគេកំពុងចុះហត្ថលេខាលើកីឡាករដែលមានអាយុលើសពី ៣៦ ឬ ៣៧ ឆ្នាំ ដែលផ្ទុយពីពេលខ្ញុំនៅទីនោះប្រសិនបើអ្នកឈានចូលវ៏័យ ៣០ ឆ្នាំ នោះក្លឹបនិងចាប់ផ្តើមពិចារណាលក់អ្នកចេញហើយ។
ប្រភព:Besoccer
