(ទីក្រុងឡុងដ៍)៖ បណ្តាក្លឹបលេងនៅលីគកំពូលអង់គ្លេស Premier League នឹងចូលរួមបោះឆ្នោតថាតើគួរលុបចោលប្រព័ន្ធវីដេអូជំនួយការអាជ្ញាកណ្តាល (Video Assistant Referees) ឬក៏យ៉ាងណា ក្នុងសម័យប្រជុំពេញអង្គនាខែក្រោយ។ នេះបើយោងតាមការចេញផ្សាយដោយគេហទំព័រកីឡា BBC នៅថ្ងៃនេះ។ នៅចាំបានថា VAR ត្រូវបានដាក់ឱ្យប្រើប្រាស់ក្នុង Premier League នៃការចាប់ផ្តើមរដូវកាលឆ្នាំ ២០១៩-២០២០ រហូតដល់បច្ចុប្បន្ន ដោយបានបន្សល់ទុកនូវភាពចម្រូងចម្រាស់ដ៏ច្រើនទៀងផង។
ជាមួយគ្នានោះ ក្លឹប Wolves ក៏បានដាក់សំណើដើម្បីរកដំណោះស្រាយនៅ Premier League ក្នុងចំណោមសមាជិកទាំង ២០ក្លឹប ដែលត្រៀមជួបប្រជុំគ្នានៅ Harrogate នាថ្ងៃទី០៦ ខែមិថុនា ឆ្នាំ២០២៤។
ក្រុមចចកមួយនេះបានចាត់ទុក VAR ថា «ជាចលករដ៏ស្មោះត្រង់មួយ ក៏ប៉ុន្តែវាបានបង្កើតផលអវិជ្ជមានជាច្រើនផងដែរ ដែលបានបំផ្លាញដល់ទំនាក់ទំនងរវាងអ្នកគាំទ្រ និងបាល់ទាត់ជាខ្លាំង»។
កន្លងមក Premier League ក៏ធ្លាប់បានចេញសេចក្តីថ្លែងការណ៍ពីកង្វល់ចំពោះ VAR ផងដែរ ក៏ប៉ុន្តែនៅតែមានជំហរក្នុងការប្រើប្រាស់បច្ចេកវិទ្យានេះដដែលជាមួយអាជ្ញាកណ្តាល។ ក្យួនច្បាប់ធំៗ ២-៣ចំណុចត្រូវបានកែប្រែ ដែលមាន ១៤ក្លិប ក្នុងចំណោម ២០ក្លឹបក៏បានប្រកាសគាំទ្ររួចរាល់ដែរ៕
(បារាំង)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់ថា ខ្សែការពារកណ្តាលសញ្ជាតិអ៊ុយក្រែន Ilya Zabarnyi ត្រូវបានក្លឹបយក្សបារាំង Paris Saint-Germain ចុះហត្ថលេខាជាផ្លូវការ ដោយរូបគេផ្ទេរពីក្លឹប Bournemouth ក្នុងតម្លៃខ្លួនផ្ទេរប្រមាណ ៦៦លានអឺរ៉ូ ដែលមានកិច្ចព្រមព្រៀងរហូតដល់ឆ្នាំ ២០៣០ ៕អត្ថបទកំពុងចាប់អារម្មណ៍៖ អេមហួស! PSG ឆ្មក់ទិញបានខ្សែការពារវ័យជំទង់ម្នាក់ ក្នុងតម្លៃដ៏ធំសម្បើម សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រភព៖ Fabrizio Romano
