(អេស៉្បាញ)៖ ម្ចាស់ជើងឯក UCL ១៤សម័យ Real Madrid នឹងអវត្តមានកីឡាករជម្រើសដំបូង David Alaba សម្រាប់ការប្រកួតជើងទីពីរនៃវគ្គពាក់កណ្ដាលផ្ដាច់ព្រ័ត្រ UEFA Champions League ទល់នឹងក្លឹបយក្សអាល្លឺម៉ង់ Bayern Munich នៅរាត្រីថ្ងៃពុធយប់នេះ។
ជម្រាបដែរថា David Alaba បានអវត្តមានតាំងពីខែធ្នូឆ្នាំមុនមកម្លេស ដោយសាររបួសជង្គង់ធ្ងន់ធ្ងរ ហើយកីឡាករជម្រើសជាតិអូទ្រីសនឹងមិនត្រលប់មកក្លឹបយក្សអេស្ប៉ាញវិញទេ រហូតដល់ចុងបញ្ចប់នៃរដូវកាលនេះ។ យ៉ាងណាមិញ គ្រូបង្វឹក Real Madrid លោក Carlos Ancelotti បាននិយាយយ៉ាងមានទំនុកចិត្តក្នុងការផ្តួលក្រុម Bayern នៅកីឡដ្ឋាន Santiago Bernabue នារាត្រីយប់នេះ ខណៈក្រុមលោក Thomas Tuchel ក៏មានទំនុកចិត្តមិនធម្មតានោះដែរ។
កីឡាកររបស់ក្រុម Real Madrid ត្រៀមចូលលេងជំនួប UCL ទល់នឹង Bayern មានដូចជា៖ Courtois, Kepa, Lunin; Carvajal, Militao, Nacho, Vazquez, F Garcia, Rudiger, Mendy; Bellingham, Kroos, Modric, Camavinga, Valverde, Tchouameni, Ceballos, Guler; Vinicius, Rodrygo, Joselu, Brahim ៕
ប្រភព៖ SportsMole
(បរទេស)៖ ក្លឹបនៅអារ៉ាប៊ីសាអូឌីត Al Ahli ត្រូវបានរាយការណ៍មកថា បានផ្តល់នូវកញ្ចប់លុយធំសម្បើមប្រមាណជា ៥១លានអឺរ៉ូ ក្នុង១ឆ្នាំ ជាថ្នូរនៃការចាកចេញរបស់ខ្សែបម្រើឆ្នើមវ័យក្មេងរបស់ក្លឹបកាតាឡាន់ Barcelona គឺ Fermin Lopez ។ យ៉ាងណាមិញ Lopez មានកិច្ចសន្យាកុងត្រាជាមួយ Barca ដល់ឆ្នាំ ២០២៩។ ជាមួយគ្នានេះ រូបគេមិនទាន់បានលេងជម្រើស១១នាក់ដំបូងនៅឡើយនោះទេ ស្របពេលលោកគ្រូ Hansi Flick មិនទាន់ទុកចិត្ត។អត្ថបទកំពុងចាប់អារម្មណ៍៖ ទឹកលុយ ឬទឹកចិត្ត! កីឡាករ Barca ម្នាក់ត្រូវបានក្លឹបអារ៉ាប់ចែចូវនូវលុយធំ«៥១លានអឺរ៉ូ»ក្នុង១ឆ្នាំ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា Barcelona មិនមានបំណងក្នុងការលក់តារាឆ្នើមវ័យ ២២ឆ្នាំ រូបនេះទេ បើទោះបីជាក្លឹបទុករូបគេជាបម្រុងក៏ដោយ។ ទោះជាយ៉ាងនេះក្តី ក្លឹបមិនហាមឃាត់លើការសម្រចចិត្តរបស់ Lopez ក្នុងការចាកចេញនោះដែរ៕ ប្រភព៖ SportsMole
