ជាលើកទី ២៨ ក្នុងប្រវត្តិសាស្ត្រដ៏វែងឆ្ងាយរបស់ពួកគេក្រុមអធិរាជស Real Madrid និង Bayern Munich មុនពេលពួកគេឈានមកដល់ការប្រកួតជើងទីពីរនៃក្របខ័ណ្ឌ Champions League វគ្គពាក់កណ្តាលផ្តាច់ព្រ័ត្រនៅទឹកដី Bernabeu នៅសម្រាប់ការប្រកួតវេលាម៉ោង២រំលងអធ្រាតឈានចូលថ្ងៃព្រហស្បត្ត៏ខានស្អែក។ក្រុមដែលធ្លាប់ជោគជ័យច្រើនបំផុត ទាំងពីរបានប្រកួតស្មើគ្នា២ទល់និង២ នៅកីឡដ្ឋាន Allianz Arena កាលពីសប្តាហ៍មុនខណៈអ្នកឈ្នះនិងជួប Borussia Dortmund ឬ Paris Saint-Germain ដែលនិងដឹងនៅវេលាម៉ោង២រំលងអធ្រាតយប់នេះ។ សម្រាប់ Real Madrid ៦ប្រកួតចុងក្រោយ នៅក្របខណ្ឌ UCL គឺឈ្នះ៣និងស្មើ៣ខណៈ Bayern Munich ឈ្នះ៣ស្មើ២និងចាញ់១។
១.ប្រវត្តិជួបគ្នា
ជួបគ្នា៣៧លើកចុងក្រោយ Real Marid ឈ្នះ១២ ស្មើ៤ ខណៈ Bayern Munich ឈ្នះ១១។
២.ពត៌មានក្រុមReal Madrid(ម្ចាស់ផ្ទះ)
កីឡាករខ្សែបម្រើ Aurelien Tchouameni គឺជាមន្ទិលសង្ស័យមួយសម្រាប់ក្រុម Real Madrid បន្ទាប់ពីបានរងរបួសជើងពេលប្រកួតឈ្នះ Cadiz ដោយលទ្ធផល៣ទល់និង០ កាលពីចុងសប្តាហ៍មុន។
សម្រាប់ខ្សែការពារស្លាបស្តាំDani Carvajal និងវិលត្រលប់មកវិញបន្ទាប់ពីជាប់បម្រាម ហើយអាចប្តូរជំនួស Lucas Vazquez នៅខ្សែការពារស្លាបស្តាំតែម្តង។Eder Militao, Thibaut Courtois និង David Alaba សុទ្ធតែបានជាសះស្បើយពីរបួសរយៈពេលវែង ដើម្បីជំរុញទឹកចិត្តលោក Carlo Ancelotti អោយត្រៀមដាក់ពួកគេចូលលេង។
-ជម្រើស១១នាក់ដំបូងអាចនិងចូលលេងCourtois; Carvajal, Rudiger, Nacho, Mendy; Valverde, Tchouameni, Kroos; Bellingham; Rodrygo, Vinicius Junior
-ទម្រង់លេងអាចនិងយកមកប្រើប្រាស់៤-៣-១-២
៣.ពត៌មានក្រុមBayern Munich(ភ្ញៀវ)
Thomas Tuchel សង្ឃឹមថានិងមានវត្តមាន Matthijs de Ligt ទោះបីជា Dayot Upamecano និងវិលត្រលប់មកវិញក៏ដោយ។Eric Dier ត្រូវបានដកចេញនៅពេលសម្រាកកាលពីថ្ងៃសៅរ៍ បន្ទាប់ពីរបួសក្បាល ហើយនឹងត្រូវធ្វើការវាយតម្លៃជាក់ស្តែង។រីឯ Raphael Guerreiro ត្រូវបានបង្ខំឱ្យចេញពីតង់ទីមួយនៃការចាញ់VfB Stuttgart និងអវត្តមានជាមួយ Bouna Sarr, Sacha Boey និង Kingsley Coman នៅក្រៅទីលាន។
-ជម្រើស១១នាក់ដំបូងអាចនិងចូលលេងNeuer; Kimmich, Dier, De Ligt, Mazraoui; Goretzka, Laimer; Sane, Musiala, Gnabry; Kane
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Real Madrid ២ : ១ Bayern Munich
ប្រភព:whoscored &sportskeeda&sportsmole
ការប្រកួតពានរង្វាន់ក្របខណ្ឌ Premier League និងត្រូវកឃើញយ៉ាងច្បាស់នៅថ្ងៃអាទិត្យទី១៩ ឧសភាដែលជាថ្ងៃចុងក្រោយនៃសប្តាហ៏ទី៣៨ ថារវាងក្រុមនាំមុខតារាង Man. City និង គូប្រជែងដ៏កៀកកិតនោះគឺកាំភ្លើងធំ ។មានន័យថាការប្រកួតប្រជែងពាននេះគឺជាលើកទី៣ហើយដែលមិនទាន់រកឃើញក្រុមឈ្នះជើងឯកគិតចាប់តាំងពីឆ្នាំ២០១២មក ខណៈម្ចាស់ជើងឯក ឆ្នាំ២០២០ គឺក្រុមលេខ៣ Liverpool បានធ្លាក់ចេញពីការប្រកួតប្រជែងទៅហើយនោះ។សម្រាប់ Man. City ប្រសិនអាចយកឈ្នះភ្ញៀវ West Ham និងនាំអោយ Man .City អាចបំបែកកំណត់ត្រាឈ្នះពានរយៈពេលបួនឆ្នាំជាប់គ្នាតែម្តង។ ប៉ុន្តែប្រសិនពួកគេខកខាន ហើយ Arsenal យកឈ្នះ Everton នោះក្រុមកាំភ្លើងធំនឹងលើកពានជាលើកដំបូងក្នុងរយៈពេលពីរទសវត្សរ៍។អត្ថបទកំពុងចាប់អារម្មណ៍៖ ពាន Premier League និងរៀបចំបែបណាសម្រាប់ក្រុមដែលត្រៀមឈ្នះនៅកន្លែង២ផ្សេងគ្នាបែបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មើលឃើញដូច្នេះហើយទើបគណកម្មការនិងសហព័ន្ធបាល់ទាត់អង់គ្លេសបានរៀបចំពាន២សម្រាប់ការប្រកួតនៅទឹកដី Etihad Stadium និង Emirates Stadium សម្រាប់ករណីពិសេសនេះ ព្រោះដើម្បីជៀសវាងការចំណាយពេលដើម្បីប្រើប្រាស់ឧទ្ធម្ភាគចក្រនៅថ្ងៃចុងក្រោយដើម្បីដឹកជញ្ជូនចេញពីកីឡដ្ឋាន ណាមួយនោះក្នុងករណីពួកគេខកខានហើយក្រុមម្ខាងទៀតឈ្នះពាន ខណៈការប្រកួតគឺត្រូវចាប់ផ្តើមប្រកួតនៅវេលាម៉ោង ១០យប់ ហើយចំនួន ១០គូ តែម្តង។ […]
